Partııa músheleri aýrýhanada jatqan Amanqaraǵaı aýylynyń turǵyny Temir Júsipovtiń jaǵdaıyn surap bardy. О́rt kezinde aýyldasyn evakýasııalaýǵa kómektesip júrgende onyń eki qolyn kúıik shalǵan. «Bul – naǵyz erlik. Ol óz densaýlyǵyna qaýip tónip turǵanyna qaramastan, jaqynyna kómektesti. Tezirek saýyǵyp ketýin tileımiz», dedi Amanjol Áltaı.
Budan soń, partııalyqtar Lesnoe jáne Ozernoe aýyldarynyń turǵyndarymen júzdesip, azyq-túlik pen birinshi kezekte qajetti taýarlardy tapsyrdy.
Lesnoe aýylynyń turǵyny Farýaz Ábdirahmanov órtten zardap shekken jandardyń barlyǵy otandastarymyzdyń, memlekettiń qoldaýyn sezinetinin atap ótti. «Prezıdent baspanasynan aıyrylǵan adamdardyń barlyǵyna jańa úı salynyp beredi dep sendirdi. Eń bastysy – osy. Sondaı-aq jınalǵan gýmanıtarlyq kómek úshin halyqqa aıryqsha alǵys aıtamyn», dedi ol.
О́rt sóndirýshilermen kezdesýde osy saladaǵy qyzmetkerlerdiń materıaldyq-tehnıkalyq bazasyn, eńbek jaǵdaıyn jáne áleýmettik qamtamasyz etilýin jaqsartý syndy ózekti máseleler talqylandy.
«Apattyń alǵashqy saǵatynan bastap tynymsyz eńbek etken órt sóndirýshilerge, qutqarýshylarǵa, áskerge, polısııaǵa, dárigerlerge, eriktilerge barlyq azamattardyń atynan alǵys bildiremiz», dep atap ótti partııa hatshysy Rınat Kertaev.
Partııanyń baspasóz qyzmetiniń málimetinshe, amanattyqtar zardap shekkenderge 807 tonna gýmantıarlyq kómek jınady. «Jastar Rýhy» jastar qanatynyń 300 volonteri tótenshe jaǵdaı ornynda jumys istep jatyr. Sondaı-aq 1200-den astam erikti gýmanıtarlyq kómek jınaý pýnktterine jumyldyryldy.
