«Qazaqstan Respýblıkasyndaǵy merekeler týraly» Qazaqstan Respýblıkasynyń Zańyna ózgerister men tolyqtyrýlar engizý josparlanýda. 25 qazan ulttyq mereke – Respýblıka kúni dep belgilenedi. Al 16 jeltoqsan memlekettik mereke – Táýelsizdik kúni bolyp bekitiledi.
Eske sala keteıik, Ulttyq Quryltaıdyń birinshi otyrysynda Prezıdent Qasym-Jomart Toqaev Respýblıka kúnine ulttyq mereke mártebesin qaıtarýdy usyndy.
«Respýblıka kúni elimizdiń memleketke degen batyl qadamynyń nyshany bolýy tıis. Árıne, Táýelsizdik kúni basty ulttyq mereke bolyp qala beredi. Bul kúni táýelsizdikke qol jetkizýge zor úles qosqan ulttyq qaharmandarymyz qurmettelýi kerek», dedi Memleket basshysy.
Buǵan deıin Qazaqstanda Respýblıka kúni 25 qazanda – 1990 jyly Qazaq KSR-niń memlekettik egemendigi týraly Deklarasııa qabyldanǵan kúni toılanatyn, sondaı-aq demalys kúni bolyp bekitiletin. 2009 jyldan bastap Respýblıka kúni memlekettik mereke retinde atalmaı keldi.
