Oǵan etnomádenı birlestikter, stýdent jastar, «Mámile» aýyzeki qazaq tili klýbynyń músheleri, etnolıngvıstıkalyq mektepterdiń dırektorlary, zeınetkerler, sondaı-aq barlyq nıet bildirýshiler qatysty.
Sonymen qatar dıktant elorda kolledjderinde jáne «Rýhanııat» ortalyǵynyń tyńdaýshylary arasynda uıymdastyryldy. Dıktantqa 3000-ǵa jýyq adam qatysty.
Atalǵan is-shara til mádenıetiniń deńgeıin arttyrý, memlekettik tildi qoldaný aıasyn keńeıtý, jastar arasynda patrıotızmge tárbıeleý jáne qoǵamdyq kelisimdi nyǵaıtý maqsatynda ótkiziledi.
Elordalyq «Iýnchı» dúngen etnomádenı ortalyǵynyń tóraıymy Zýlfııa Muhanzaeva jyl saıyn jalpyqazaqstandyq dıktantqa qatysady.
- Sońǵy jyldary bizdiń dúngen ortalyǵy memlekettik tilde dıktant jazýǵa qatysyp keledi. Biz óz bilimimizdi qýana tekseremiz, óıtkeni bizdiń respýblıkamyzdyń barlyq azamattary tildi bilýi jáne onda jazýy tıis dep esepteımiz, sol arqyly jastarǵa úlgi kórsetemiz. Dıktant jazý sııaqty tájirıbe óz bilimińizdi tekserip qana qoımaı, kókjıegińizdi keńeıtýge múmkindik beredi, - dedi ol.
Aıta ketsek, dıktant ótkizýge «Rýhanııat» ortalyǵy» KMM oqytýshylary ádistemelik kómek kórsetken.
