Laıyqty kómek

Oblys ákimi Serik Shápkenovtiń tapsyrmasymen Atyraý qalasy men aýdandarda arnaıy shtabtar quryldy. Shtab ókilderiniń kómegimen jınalǵan azyq-túlik, kıim-keshek, jeke gıgıenalyq quraldar men tósek-jabdyq túrindegi gýmanıtarlyq kómek 30 tonnany qurady.

– Qostanaı oblysyndaǵy dala órti qabyrǵamyzdy qaıystyrmaı qoımady. Mundaı qıyn synaqtan judyryqtaı jumylyp, bir el bolyp óte alamyz. Qazir Qostanaı ob­ly­syndaǵy Amanat partııasy fı­lıalynyń basshysymen baılanys jasap otyrmyz. Zardap shegýshilerge tikeleı qarajat jibergisi kelgender úshin bank shoty ashyldy, –deıdi Amanat partııasy oblystyq fılıalynyń atqarýshy hatshysy Abdolla Idresov.

Onyń aıtýynsha, kúndelikti tur­mysta qoldanylatyn zattar tıelgen alǵashqy 10 júk kóligi jolǵa shyq­ty. Jaqyn kúnderi taǵy birneshe kó­lik­pen gýmanıtarlyq kómek jibe­ri­ledi. Arnaıy qurylǵan shtab qu­ra­mynda «Jastar rýhy» jastar qa­na­tynyń músheleri de bar. «Eriktiler de qostanaılyqtarmen birgemiz. Kómek kór­setýge daıynbyz», – deıdi erikti Zamanbek Quraqbaı.

Dala órtiniń saldarynan baspanasynan aıyrylǵan qostanaılyqtarǵa kómek kórsetý úshin Atyraý oblysy boıynsha arnaıy chat ashyldy. Jergilikti erikti Nurlan Jonasovtyń aıtýynsha, chatqa qosylǵan azamattar aqshalaı jáne zattaı kómek kórsetýge daıyn ekenin bildirgen.

Al «Atameken» UKP Atyraý fılıalynyń dırektory Nurlan Súıinbaevtyń málimetine súıensek, jer­gilikti kásipkerler Qostanaı ob­ly­synyń turǵyndaryna kómek kór­setýge belsene atsalysyp otyr. О́ńir kásipkerleri tabıǵı apattan zardap shekken qostanaılyqtar úshin 30 mln teńge jınaǵan.

Atyraý oblysy