– Birinshi kezeńde biz 20 eldi mekendi kógildir otynǵa qosamyz, – dedi oblys ákimi Ermek Marjyqpaev saltanatty rásimde, – bar jumysty tııanaqty atqaryp jatqan «QazTransGaz Aımaq» aksıonerlik qoǵamynyń ónimdi isine rızashylyq bildiremiz. Eki jyl ishinde myń shaqyrymǵa jýyq qubyr tartylyp, tabıǵı gaz ótkizildi. Arshaly aýdanyndaǵy bes eldi mekenniń turǵyndary jelige qosyldy.
– Biz kópbalaly otbasymyz, – deıdi aýdan turǵyny Valerıı Semenkov. – Úıimizge alǵashqylardyń biri bolyp gaz tartylǵanyna qýanyp otyrmyz. Memlekettiń qamqorlyǵyna myń alǵys.
2019 jyly óńirdiń 17 eldi mekenin gaz qubyryna qosý boıynsha jobalyq-smetalyq qujattama ázirlengen bolatyn. Paıdalanýǵa berilgen «Arshaly» avtomattandyrylǵan gaz taratý stansasynyń ótkizý qýaty – saǵatyna 15 myń tekshe metr. Barlyǵy 345 shaqyrymnan astam gaz jelisi tartylǵan. 2023 jyly aýdandy gazdandyrýdyń sońǵy kezeńi Jibek joly aýylynda júzege asyrylady. Bes gaz rettegish blokty pýnktterdi ornatý arqyly 230 shaqyrym gaz taratý jelileri iske qosylady.
Osylaısha, 2020-2023 jyldary aralyǵynda aýdan boıynsha 574,66 shaqyrym gaz qubyry paıdalanýǵa berilmek. Tabıǵı gaz 8 230 turǵyn úıge jetkiziledi.
Aqmola oblysy
