О́rt týraly sýyt habar qas qaraıa túsken. Onda Zerendi aýdanyndaǵy ulttyq parkke tıesili orman alqabynda órt shyqqany habarlanǵan. Ile oblys ákimi Ermek Marjyqpaevtyń tapsyrmasy boıynsha jedel shtab quryldy.
Atbasar, Sandyqtaý aýdandarynyń órtke qarsy bólimderi de ile kelip jetti. Sondaı-aq Kókshetaý qalasynan da quramynda 30 adamy bar órt sóndirýshiler toby attandyrylǵan. Oqıǵa ornynda qyzyl jalynnyń betin qaıtarýǵa jumyla kirisip, qajyr-qaırat tanytylǵanymen, sekýndyna 15 metr jyldamdyqpen soqqan jel biraz ýaqyt bóget boldy. 200-den astam adam orman órtimen kúresti. О́rt sóndirýshilermen birge eriktiler de, azamattyq qorǵanys akademııasynyń kýrstanttary da qolushyn berdi.
Aldyn ala jasalǵan boljamǵa qaraǵanda órt dala jolynyń boıynan shyqqanǵa uqsaıdy. Kók óskinniń bári qýrap turǵan, órt qaýpi mol kúzde ókpek jolaýshynyń oılanbaı tastaı salǵan jalǵyz tal temeki tuqylynyń ózi osyndaı zardapqa alyp kelýi ábden múmkin. Jalpaq jurttyń maqtanyshyna aınalǵan – tamasha tabıǵatymyzǵa zııan tıgizbeý jaıyn oılaýymyz kerek.
Aqmola oblysy,
Zerendi aýdany
