189,4 shaqyrymdyq básekede Mads Pedersenge teń keler eshkim tabylmady. AQSh-tyń Trek-Segafredo klýby sapyndaǵy danııalyq veloshabandoz sol qashyqtyqty 4 saǵat 45 mınýt 29 sekýndta júrip ótti. Odan keıingi oryndardy BAÁ-niń UAE Team Emirates komandasynyń namysyn qorǵaıtyn germanııalyq Paskal Akkerman men nemisterdiń BORA-hansgrohe ujymynyń úzdigi, nıderlandtyq Dannı Van Poppel oljalady. «Astanalyqtar» arasynan eń táýir kórsetkishke Samýele Battıstella qol jetkizdi. Italııalyq legıoner máre syzyǵyn altynshy bolyp qıyp ótti.
Jalpy esepte jaǵdaı ózgergen joq. Qazaqstandyq komandanyń serkesi Mıgel Anhel Lopes burynǵysynsha altynshy satyda tur.
