Qazaqstannyń ońtústiginde, batysynda, shyǵysynda, ońtústik-shyǵysynda kún kúrkirep, jańbyr jaýady.
«Elimizdiń qalǵan aımaǵynda jaýyn-shashynsyz aýa raıy saqtalady. Respýblıkanyń basym bóliginde jel soǵady, ońtústikte boran, soltústik-batysta túnde jáne tańerteń tuman kútiledi», delingen «Qazgıdromet» RMK habarlamasynda.
Jambyl, Qyzylorda, Túrkistan, Aqtóbe, Almaty, Jetisý, Ulytaý oblystarynyń basym bóliginde, Abaı oblysynyń ońtústigi men shyǵysynda, Qaraǵandy oblysynyń batysynda, ońtústiginde, Batys Qazaqstannyń shyǵysynda, ońtústiginde, Atyraý oblysynyń ońtústiginde tótenshe órt qaýpi saqtalady, Qostanaı oblysynyń ońtústiginde joǵary órt qaýpi jalǵasady.
