Kúrshim aýdany, Marqakól orman sharýashylyǵy aýmaǵynda orman áli kúnge deıin janyp jatyr. Qazir órttiń aldyn ala aýmaǵy 1 300 gektardy quraıdy. Aıta ketý kerek, jaqyn ornalasqan eldi mekenderge qaýip tónip turǵan joq.
О́rtke qarsy kúreske ShQO TJD órt sóndirýshileriniń, ormanshylar men jergilikti atqarýshy organdardyń, polısııa qyzmetkerleriniń 270-ke jýyq adamy men 34 tehnıkasy jumyldyryldy. О́rtti sóndirýshilerge taý bederleri men aýa raıy qıyndyq týdyrýda. Sondyqtan MI-8 tikushaǵy jáne Evrokopter tartyldy. Búgin órt bolǵan jerge sýaǵar qurylǵysy bar TJM Qazavıaqutqarý MI-171 tikushaǵy qosymsha kómekke kelmek.
Sonymen qatar Altaı aýdanynda «Zyrıan» orman sharýashylyǵy da órtendi. Tilsiz jaýdyń aldyn ala aýmaǵy 800 gektardy quraıdy. О́rtti aýyzdyqtaý úshin sýaǵar qurylǵysy bar MI-8 tikushaǵy, 200-ge jýyq adam men 29 tehnıka jumyldyryldy. Eldi mekenderge qaýip joq. Búgin órt bolǵan jerge Semeı qalasynyń №68303 áskerı bóliminiń sýaǵar qurylǵysy bar Qorǵanys mınıstrliginiń MI-17 tikushaǵy, jeke quramnyń 50 adamy jáne 4 birlik tehnıkasy kómekke qosymsha keledi.
Katonqaraǵaı aýdanynda, Altynbel aýylynan 12 shaqyrym jerde, «Novo-Berezovka» ormanshylyǵynyń aýmaǵy órtenýde. О́rttiń aldyn ala boljaǵandaǵy aýdany 1200 gektar. Qazirgi ýaqytta eldi mekenderge eshqandaı qaýip joq. Búgin qyrkúıekte Qorǵanys mınıstrliginiń sýaǵar qurylǵysy bar MI-17 tikushaǵy kómekke qosymsha keledi. Qyzyl jalyndy aýyzdyqtaýǵa 280-nen astam adam men 24 tehnıka, TJD, orman sharýashylyǵy, JAO, halyq, polısııa jumyldyryldy. MI-8 tikushaǵymen 30 adam taýdyń basyna «Balqaraǵaı» ýchaskesine jetkizildi. О́rt ornynda jedel shtab qurylǵan.
Shyǵys Qazaqstan oblysy
