Is-sharaǵa 6655 áskerı bóliminiń sarbazdary, kitaphana oqyrmandary men qyzmetkerleri qatysty. Maqsaty – HH ǵasyrdyń birtýar azamaty, óz halqynyń aınasy bolǵan uly qoǵam qaıratkeri, aqyn, ustaz, aǵartýshy ǵalym Ahmet Baıtursynulynyń ómiri men shyǵarmashylyǵy jaıly oqyrmandardy sýsyndata otyryp, onyń týǵan halqy úshin aıanbaı etken eńbegin dáripteý, urpaqqa úlgi etý.
«…О́zge oqyǵan myrzalar shen izdep júrgende, qorlyqqa shydap, quldyqqa kónip, uıqy basqan qalyń qazaqtyń ult namysyn jyrtyp, ulttyq aryn joqtaǵan patsha zamanynda jalǵyz-aq Ahmet edi. Qazaqtyń ol ýaqyttaǵy keıbir oqyǵandary ýez, gýbernııa sottaryna kúsh salyp, tilmash bolyp, keıbiri aryn satyp ulyqtyq izdep júrgende, Ahmet qazaq ultyna janyn aıamaı qyzmet qyldy..., halqynyń aryn izdep, óziniń oıǵa alǵan isi úshin bir basyn báıgege tikti», dep jazdy Sáken Seıfýllın.
Keshke qatysýshylar Ahmet Baıtursynulynyń kitaptaryna sholý jasady. Sonymen qatar 5 qyrkúıek – Qazaqstan halqy tilderiniń merekesine oraı 6655 áskerı bóliminiń qatardaǵy jaýyngerleri Rasım Nııazov, Rınat Salımov, Sýnrab Nııazov jınalǵandar men kitaphana qyzmetkerlerin ataýly merekemen quttyqtap, izgi tilekterin bildirdi. Is-shara sońynda sarbazdar «Men qazaqpyn» patrıottyq óleńin hormen shyrqady. Aǵa leıtenant Altynshash Baımýrzına osyndaı taǵylymdy kesh uıymdastyrǵan kitaphana ujymyna jınalǵan qaýym atynan rızashylyǵyn bildirdi.
Laýra SULTANBEKOVA,
Saǵı Jıenbaev atyndaǵy oblystyq jasóspirimder kitaphanasynyń kitaphanashysy
AQTО́BE
