Jol ústindegi qasiret

Kúni keshe ǵana Kókshetaý – Rý­zaevka baǵytyndaǵy tas joldyń 30-yn­­shy shaqyrymynda jol-kólik oqı­ǵasy bolyp, eki adam opat boldy, eki adam aýrýhanaǵa jetkizildi. Aıdyń-kúnniń amanynda qanshama qaıǵy-qasiret?! Osyǵan deıingi jol-kólik oqıǵalaryn saraptap qara­sańyz, shyǵasyǵa ıesi basshy bolatyn, oqys oqıǵaǵa sebepker bolyp jatqandardyń basym kóp­shiligi júrgizýshilerdiń ózderi eken. Polısııa qyzmetkerleri jol qoz­ǵalysy erejeleriniń óreskel buzý­­shy­lyqtaryn anyqtap, shara qol­danýda. Jol qozǵalysy qaýipsiz­digin jaqsartý maqsatynda oblys aýmaǵynda turaqty túrde jedel aldyn alý is-sharalar júrgizilýde.

Taıaýda «Qaýipsiz jol» respýblı­kalyq aılyǵy ótkizildi. Aılyq barysynda 15 myńǵa jýyq jol qaýipsizdigi erejesin buzǵan júrgizýshiler ákim­shilik jaýapkershilikke tartyldy. Olardyń arasynda mas kú­ıinde kólik júrgizgender – 17, kólik júr­gizý quqyǵy joq – 290, júr­gizý qu­qy­ǵynan aıyrylǵan 55 júr­gizý­shi anyq­talsa, qozǵalys jyldamdyǵyn shamadan asyryp jibergen 7 110 derek tirkelgen. Mine, osyndaı jaýap­syz­dyqtyń saldarynan qara joldyń boıynda qanshama qa­si­ret­ti oqıǵa oryn alyp jatyr. Tóbe shashyńdy tik turǵyzatyn apattar týraly buqaralyq aqparat qu­ral­da­rynda úzbeı jazylyp, áleý­mettik jeliler arqyly tara­ty­lyp jatsa da, saqtanýǵa salaq­ty­ǵymyz-aı! Qa­rapaıym ǵana bir mysal keltire ketelik. Keıde adam ómiriniń aman qalýyna áser etetin qaýipsizdik beldikterin taǵýdy eskere bermeımiz. Beldik taqqan talaı júrgizýshiniń surapyl jol-kólik oqıǵasynda aman qalǵanyn estip te, kórip te júrmiz. Aılyq barysynda qaýip­sizdik beldigin paıdalaný ere­je­lerin buzýdyń 2 606 oqıǵasy tir­kelgen.

Qala kóshelerinde kólik júrgizip bara jatyp telefonmen sóıle­se­tin­der­diń de qatary seldiremeı tur. Muny jaıaý júrginshilerdiń kóbi kórip te júr. Ásirese jastar jaǵy osyn­daı keleńsiz kóriniske áýes. Aılyq barysynda kólik júrgizip kele jatyp telefonmen sóılesken 1 746 júrgizýshi anyqtalyp, jol qoz­ǵa­lysy erejelerin buzǵany úshin 395 kólik aıyp turaǵyna jetkizildi.

О́tken demalys kúnderi ótkizilgen reıd barysynda nebári eki táýlikte 632 jol qaýipsizdigi erejesin buzý faktileri belgili boldy. Onyń ishinde, óki­nishke qaraı, mas kúıinde kólik júr­gizgen 27 júrgizýshi bar. Apat aıtyp kelmeıdi degenimizben, dál osyndaı jaǵdaıda bir qaýiptiń oryn alatyny belgili bolyp tur emes pe?!

Jol ınfraqurylymdaryn jetil­dirý jáne jol qozǵalysynyń qaýip­siz­digin jaqsartý maqsatynda oblys­tyq ákimshilik polısııa basqar­masy jol jáne kommýnaldyq qyzmet ókil­derimen birlese otyryp, joldar men jol qurylystaryna 562 tek­­serý júrgizdi. Balalar men jas­óspirimder jıi júretin oqý oryn­darynyń mańy basty nazarǵa alynyp, qosymsha 188 jol belgileri qoıyldy. Kommýnaldyq qyzmet me­ke­melerine jol boıynda oryn alyp otyrǵan kemshilikterdi joıýǵa 562 uıǵarym berildi. Mine, osylaısha, jol boıyndaǵy qaýipsizdikti saq­taýǵa baılanysty jumys júr­gizilip otyr. Qalaı bolǵan kúnde de júr­gizýshilerdiń ózi abaı bolǵany jón.

Aqmola oblysy