«Medısınalyq ortalyqtar men jedel medısınalyq járdem stansııasyn júıeli túrde jabdyqtaý jumysy júrip jatyr. Jedel medısınalyq járdem stansııasynyń avtoparkine taǵy 55 avtokólik qosyldy. Olardyń basym bóligi – reanımobılder», dep jazdy A.Kólginov.
Sondaı-aq osyǵan deıin 100-den asa avtokólik tapsyrylǵan. Osylaısha, avtopark aıtarlyqtaı modernızasııalanyp, mashınalar sany artty. Arnaıy avtokólikter alǵashqy medısınalyq kómek kórsetý úshin qajetti jabdyqtarmen jabdyqtalǵan: ókpeni jasandy jeldetý apparaty, defıbrıllıator-monıtorlar, elektrli sorǵyshtar, jedel medısınalyq kómek kórsetý úshin reanımasııalyq qurylǵylary bar jıyntyqtar (elektrokardıograf) jáne t.b.
Memleket basshysy medısına salasyn damytýǵa, medısınalyq qyzmetterdiń qoljetimdiligin qamtamasyz etýge jáne sapasyn jaqsartýǵa, jedel medısınalyq kómek qyzmetin jańǵyrtýǵa erekshe kóńil bóledi.
Ákimniń jazýy boıynsha, sońǵy úsh jyl ishinde medısınalyq mekemeler 3 myńǵa jýyq arnaıy jabdyqpen tolyq jabdyqtaldy, 40 «úı janyndaǵy dáriger» nysany (olardyń 7-eýi eldi mekenderde ornalasqan) ashyldy, birqatar medısınalyq mekemege jóndeý júrgizildi, 4 medısınalyq mekemeniń qurylysy boıynsha tıisti jobalar iske asyp jatyr.
«Sol sııaqty «Jaǵalaý-3» jáne «Nurly jol» vokzaly aýmaǵynda ambýlatorly-emhanalyq keshen, Kóktal-1, Prıgorodnyı, Telman jáne t.b. eldi mekenderde alǵashqy medısınalyq-sanıtarlyq kómek kórsetý ortalyqtarynyń qurylysy josparlanǵan. Sondaı-aq medısına qyzmetkerleriniń jalaqysy júıeli deńgeıde ósedi, joǵary bilim alýǵa jyl saıyn granttar bólemiz jáne t.b.», dep jazdy qala ákimi.
