Zertteý nysany – arheologııa

– Bul zerthanany ashýdaǵy maqsatymyz – aımaqtaǵy arheologııalyq qazba oryndaryn zertteý, jastardy ǵylymı zertteýlerge tartý, olardyń arheologııa men tarıhqa degen qyzyǵýshylyǵyn arttyrý. О́ıtkeni bizdiń ýnıversıtetimiz arheologııalyq qazba jumys­taryn júrgizýge arnaıy lısenzııasy bar joǵary oqý oryndarynyń qataryna ki­redi. Ýnıversıtettiń arheologteri Atyraý oblysynyń aýma­ǵyn­da arheologııalyq zertteý­ler júrgizýge úle­sin qosyp ke­ledi. Olar jaz maý­symynda ejelgi Saraı­shyq qalasynyń ornynda júr­gi­zilgen qazba jumystaryna qatysty. Qazba jumystary kezin­de kóptegen qundy jádi­ger tabyldy. Sol sebepten, jańa arheologııalyq oqý-ádis­temelik zerthana stýdentter men jas ǵalymdardyń ar­heologııalyq nysandar­dy zertteýine, qundy jádi­ger­lerdi tabýyna jol ashady, – deıdi S.Idrısov.

Byltyr ýnıversıtettiń arheologııa ekspedısııasy Qy­zylqoǵa aýdanyndaǵy Muqyr aýyldyq okrýginiń aýmaǵynda ornalasqan temir dáýirine jatatyn qorǵandarǵa zertteý júrgizgen. Sol eks­pe­dı­­sııa­ǵa jetekshilik etken ta­rıh ǵylymdarynyń doktory Saıfolla Sapanovtyń aı­týynsha, bir qorǵannan úsh jaýyngerdiń súıegi ta­bylǵan. Biriniń janynda qarý-ja­raq­tary men eki myń jyl bu­rynǵy qumyra, tórt qoıdyń súıegi, naıza, pyshaq, bir qorap jebe bolǵan.

– Bir qorǵanda úsh adamnyń jerlenýi sırek kezdesedi. Muny biz sarmat dáýirindegi ja­ýyngerler degen tujyrym jasadyq. Bir jaýyngerdiń oń qoly bilek tusynan kesilgen, – deıdi S.Sapanov.

Atyraý oblysy