Úshemniń anasy – Aıangúl Sábıtova. Onyń otbasyndaǵy bir balanyń qatary úshemmen tolyqty. Bir qursaqta jetilgen úsh uldyń ekeýiniń salmaǵy – 1 kılo 800 gramm, úshinshisi – 2 kılo 200 gramm.
– Qazir jas ananyń da, nárestelerdiń de jaǵdaıy jaqsara bastady. Úshem anasynyń qasyna jetkizildi. Jas anaǵa nárestelerdi kútip-baǵýǵa, em-dom jasaýǵa arnaıy medbıkeler kómektesedi. Sábıler perzenthana dárigerleriniń baqylaýyna alynyp otyr. Ázirge úıge qashan shyǵatyny belgisiz, – deıdi perınataldy ortalyq bólimshesiniń meńgerýshisi Túrlen Begeeva.
Jas anaǵa júktiliktiń 34-aptasynda kesar tiligi arqyly operasııa jasalǵan. Shuǵyl operasııaǵa ortalyq dırektorynyń orynbasary, akýsher-gınekolog Asqar Kenjeǵalıev jetekshilik etken.
Atyraý oblysy
