Elektr energııasynyń saýdasy ashyqtyqqa qurylǵanda tıimdi

Májilis Tóraǵasy Qabıbolla Jaqypovtyń jetekshiligimen ótken keshegi jalpy otyrysta «Qazaqstan Respýblıkasynyń keıbir zańnamalyq aktilerine elektr energetıkasy obektileriniń jumysyn baqylaýdy jáne qadaǵalaýdy uıymdastyrý máseleleri boıynsha ózgerister men tolyqtyrýlar engizý týraly» zań jobasy birinshi oqylymda qaraldy. Premer-Mınıstrdiń orynbasary – Indýstrııa jáne jańa tehnologııalar mınıstri Áset Isekeshev zań jobasy elektr energetıkasy nysandarynyń jumysyn memlekettik baqylaý men qadaǵalaýdy jetildirýge baǵyttalǵandyǵyn erekshe atap ketti. Bul rette elektr energetıkasy nysandarynyń energetıkalyq jabdyǵynyń jaı-kúıin jaqsartý, energııa óndiretin jáne ony beretin uıymdardyń kúzgi-qysqy kezeńdegi jumysy men elektr jáne jylý energııasyn tutynýshylardyń keń tobynyń quqyqtaryn qorǵaý úshin jaýaptylyǵyn arttyrýǵa den qoıylyp otyr. Ásirese, zańdyq qujatta energetıka kásiporyndary kórsetetin qyzmetterdiń sapasyn qamtamasyz etý tetikteri qarastyrylypty. Budan basqa, elimizdiń Biryńǵaı elektr energetıkasy júıesinde elektr energııasyna tapshylyq shamadan tys artyp ketken jaǵdaıda onyń eksporty men ımporty salasynda shekteý sharalary engizilmek. Elektr jelilerine qosylýǵa ruqsat alýda tutynýshylardyń elektr qurylymdaryn 100-den 200 kılovatqa deıin ózgertý qarastyrylypty. Vıse-premer osylaısha shaǵyn jáne orta bıznestiń basym bóligi elektr jelilerine memlekettik or­gandardyń ruqsatynsyz qosylýǵa múmkindik alatynyn jetkizdi. Qosymsha baıandama ja­sa­ǵan Májilistiń Ekologııa máse­leleri jáne tabıǵat paıda­laný komıtetiniń múshesi Izbaq О́mirzaqov zań jobasy Memleket basshysynyń qatysýymen ótken jınalystyń qorytyndylary boıynsha hattamalyq tapsyrmany iske asyrý maqsatynda ázirlengenin aıtty. Sonymen qatar, elektr energetıkasy obektileriniń jumysyn memlekettik baqylaý men qada­ǵalaýdy jetildirýge, elektr ener­getıkasy obektileriniń ener­getıkalyq jabdyǵynyń teh­nıkalyq jaı-kúıin jaqsartýǵa, ener­gııa óndiretin jáne energııa beretin uıymdardyń kúzgi-qys­qy kezeńdegi jumysy, elek­tr jáne jylý energııasyn tutynýshylardyń keń toby­nyń quqyqtaryn qorǵaý úshin jaýap­tylyǵyn arttyrýǵa, ener­getıka kásiporyndary kórse­tetin qyz­metterdiń sapasyn qamta­masyz etýge baǵyttalǵanyn atap ótti. Budan basqa, zań jobasynda Qazaqstan Respýblıkasynyń biryńǵaı elektr energetıkasy júıesinde elektr energııasyna tapshylyq ne profısıt bolǵan jaǵdaıda elektr energııasynyń eksporty men ımporty salasynda shekteý sharalary engiziledi. Zań jobasyn jumys toby talqylaǵan kezde turaqty ko­mıtetterdiń, depýtattardyń, zańnama bóliminiń usynysy boı­yn­sha zań jobasynyń erej­elerine birqatar ózgerister engizilipti. Ákimshilik quqyq buzýshylyq týraly kodeksine ózgeristerdi talqylaý kezinde depýtattar es­k­ertý sııaqty sanksııany alyp tastady. Budan basqa, zańdy tulǵalardyń shaǵyn, orta nemese iri bıznes sýbektilerine tıesililigine qaraı olarǵa aıyp­pul­dar bóligine túzetýler engi­zilgen, sondaı-aq, energııa ón­di­retin jáne energııa beretin uıymdardyń tehnologııalyq buzý­shylyqtar týraly aqparat­ty usyný týraly talaptardy buzǵany úshin ákimshilik jaýap­tylyǵyn belgileıtin jańa bap usynylypty. Depýtattardyń pikirinshe, qol­danystaǵy zańnamada bar tetikter energetıka salasyndaǵy baqylaý jáne qadaǵalaý organyna jylytý maýsymynda olqylyqtarǵa jol bermeý maqsatynda energetıka kásiporyndarynyń zańnamany buzýshylyqty anyqtaýǵa jáne oǵan der kezinde áreket etýge múmkindik beredi, al normany ázirleýshiniń redaksııasynda qabyldaý reıderlik pen sybaılas jemqorlyq quqyq buzýshylyqtar úshin jaǵdaı jasaıdy. Zań jobasy boıynsha jumys tobynyń 16 otyrysy ótkizilgen eken. Májilistiń depýtattarynan, turaqty komıtetterinen jáne zań bóliminen zań jobasy boıynsha kelip túsken 250-den astam eskertpe men usynys qaralyp, talqylanypty. Májilistiń barlyq komı­tet­teri osy zań jobasy boıynsha oń qorytyndylaryn berdi. Jalpy otyrysta depýtattar Qazaqstan Respýblıkasy Úki­metiniń jáne Respýblıkalyq bıýd­jettiń atqarylýyn baqylaý jó­nindegi esep komıtetiniń 2013 jylǵy respýblıkalyq bıýdjettiń atqarylýy týraly esepterin jumysqa aldy. Májilistiń Qarjy jáne bıýd­jet komıtetiniń tóraıymy Gúljan Qaraqusova depýtattarǵa Esepte 2013 jyly respýblıkalyq bıýd­jettiń atqarylýynyń makro­eko­nomıkalyq jaǵdaılaryna, memlekettik jáne salalyq baǵdar­lamalardyń, memlekettik organ­dardyń strategııalyq jospar­larynyń, ınvestısııalyq joba­lardyń iske asyrylý tıimdiligine baǵa berilgenin málimdedi. Palata otyrysynda «Qazaq­stan Respýblıkasynyń Úkimeti men Estonııa Respýblıkasynyń Úkimeti arasyndaǵy In­ves­tı­sııa­lardy kótermeleý jáne ózara qorǵaý týraly kelisimdi ratıfıkasııalaý týraly» zań jobasy jumysqa alyndy. Jalpy otyrysta sóz alǵan Májilistiń Halyqaralyq ister, qorǵanys jáne qaýipsizdik komı­tetiniń tóraǵasy Máýlen Áshim­baev kelisim elderdiń ınves­tı­sııalyq ahýalyn jaqsartýǵa jáne memleketter arasyndaǵy ózara tıimdi saýda-ekonomıkalyq ynty­maqtastyqty odan ári damytýǵa yqpal etetinin málimdedi. Sonymen qatar, Májilis qor­jynyna «Qazaqstan Respýb­lıkasynyń Úkimeti men Sıngapýr Respýblıkasynyń Úkimeti ara­syndaǵy Tabysqa salynatyn sa­lyqtarǵa qatysty qosarlanǵan sa­lyq salýdy boldyrmaý já­ne salyq salýdan jaltarýǵa jol bermeý týraly kelisimge ózge­ris­ter men tolyqtyrýlar engizý tý­raly Qazaqstan Respýb­lı­kasy­nyń Úkimeti men Sıngapýr Res­pýblıkasynyń Úkimeti arasyn­daǵy Hattamany ratıfıkasııalaý týraly» zań jobasy da alyndy. Májilis «Qazaqstan Respýb­lıkasynyń keıbir zańnamalyq aktilerine qurylys obektilerin jobalaý salasyndaǵy sarap­shylyq qyzmetti reformalaý máseleleri boıynsha ózgerister men tolyqtyrýlar engizý týraly» zań jobasyn jumysqa aldy. Ekonomıkalyq reforma jáne áleýmettik damý komıtetiniń tóraǵasy Seıitsultan Áıimbetov zań jobasyn ázirleý qurylys obektilerin jobalaý jáne onyń tıimdiligin arttyrý salasyndaǵy sarapshylyq qyzmet naryǵynyń júıesin jetildirý qajettiligine baılanysty bolǵanyn málim etti. Sondaı-aq, otyrysta depýtattar «Qazaqstan Respýblıkasynyń keıbir zańnamalyq aktilerine saý­da qyzmetin retteý máseleleri boı­ynsha ózgerister men tolyq­ty­rýlar engizý týraly» zań jobasyn jumysqa aldy. Asqar TURAPBAIULY, «Egemen Qazaqstan».