Esirtki satýshylar Telegram jelisindegi ınternet-dúkendi paıdalanǵan.
Keshendi jedel-izdestirý sharalary barysynda dinı destrýktıvti aǵymdy ustanǵan erli-zaıyptylar ustaldy.
«22 jastaǵy jigit qylmystyq áreketti uıymdastyrýshy bolyp, bir mezgilde Pavlodar oblysy men Almaty qalasynda esirtki zattary satylǵan ınternet-dúkenniń ákimshisi jáne operatory qyzmetin atqarǵany anyqtaldy. Onyń 19 jastaǵy áıeli lombardtar men oblysaralyq kýrerlerdiń qyzmetin qadaǵalap otyrǵan», dedi Pavlodar oblystyq IID bastyǵy Vasılıı Sklıar.
Jedel-izdestirý is-sharalary barysynda polıseıler jalpy salmaǵy 6,7 keliden astam úndi qarasora, tyıym salynǵan zattardy qaptaýǵa arnalǵan polıetılen paketter, elektr lentasy, tarazy jáne kalkýlıator tárkiledi.
Qazirgi ýaqytta sottalýshylarǵa qatysty QR Qylmystyq kodeksiniń 297-babynyń 1,3-bóligimen qarastyrylǵan qylmys belgileri boıynsha qylmystyq ister qozǵaldy.
Kúdiktige qamaýǵa alý túrindegi bultartpaý sharasy tańdaldy.
