26 aıda 26 nysan salynady

Keshe Ortalyq kommýnıkasııalar qyzmetinde «Astana EKSPO-2017» kór­mesi qurylysyna daıyndyq jumystary jóninde baspasóz máslıhaty ótti. Oǵan «As­tana EKSPO-2017» UK» AQ basqarma tóraǵasynyń keńes­shisi Qanaǵat Tilemisov pen Sáýlet departamentiniń dırektory Qanat Muqashev, sondaı-aq, belgili kásipker, mesenat, saıahatshy Sapar Ysqaqov qatysty. Baspasóz máslıhatynda málim bolǵandaı, «Astana EKSPO-2017» UK» AQ kórme kesheniniń barlyq 26 nysanynyń qurylysyn 26 aıdyń ishinde salyp shyǵýdy josparlap otyr. Onyń ishinde halyqaralyq, korporatıvtik jáne taqyryptyq pavılondar, turǵyn úı keshenderi, mektep, balabaqsha, qonaq úı, májilis jáne baspasóz ortalyǵy, EKSPO-keńse, Enerdjı holl, kommersııalyq jáne saý­da aýmaqtary, EKSPO-plaza, kór­kem­dik ortalyq sekildi nysandar qam­­tylǵan. Brıfıng barysynda sa­la ma­mandary osy keshen­der­diń arhı­tek­týralyq erekshe­lik­­teri men ın­no­vasııalyq teh­no­­logııalardyń qol­danylýy jónin­de áńgimelep berdi. «Astana EKSPO-2017» UK» AQ basqarma tóraǵasynyń keńes­shisi Q.Tilemisovtiń sózine qara­ǵanda, jalpy qurylystyń bel­sendi kezeńi 2015-2016 jyldarǵa sáıkes keledi. Kórme kesheniniń tutastaı salynyp, aıaqtalýy 2016 jyldyń jeltoqsany dep kózdelýde. Aıta keteıik, keshenniń jalpy aýdany 173,4 gektar jerdi qamtymaq. Onyń 148 gektaryna turǵyn úıler, mádenı-áleýmettik nysandar, oıyn-saýyq oryndary, al 25 gektaryna kórme kesheni salynbaq. Baspasóz máslıhatynda, sonymen qatar, belgili saıahatshy Sa­par Ysqaqov óziniń jýyrda ǵana jer sharyn aralap, saıahat jasap qaıtqanyn baıandady. Ol óziniń bul saparynda Qazaqstannyń kók baıraǵy men «Astana ESKPO-2017» týyn álemniń 26 eline alyp barypty. Bul sapardyń elimizdi álemge tanytýda, EKSPO ótetin memleketti jahanǵa pash etýde aıryqsha mańyzy zor. Jıyn sońynda jıhangez sheteldik azamattardyń qoly qoıylǵan EKSPO-2017 týyn kompanııa ókilderine saltanatty jaǵdaıda tabys etti. Dınara BITIKOVA, «Egemen Qazaqstan».