Kezdesýde Aqparat jáne qoǵamdyq damý mınıstri Darhan Qydyráli jalpy Qazaqstan halqy Assambleıasy men onyń birlestikteriniń el damýynda alatyn ornyn atap ótip, memleketimizdiń birlik pen yntymaqty tý etip otyrǵanyn jetkizdi. «Prezıdent Joldaýynyń taqyryby «Ádiletti memleket. Birtutas ult. Berekeli qoǵam» dep atalǵany belgili. Elimizde bárine birdeı múmkindik beretin ádiletti qoǵam qurylyp jatyr. Memlekettik múdde jolynda birge eńbek etý – árbir azamattyń mindeti. Bul rette etnomádenı birlestikter elimizdiń yntymaǵy men birligi úshin eleýli eńbek etip keledi. Máselen, Qostanaıdaǵy orman órti kezinde etnomádenı birlestikter zardap shekken jandarǵa 60 mln teńge qarajat aýdaryp, 243 tonnadan astam gýmanıtarlyq kómek kórsetti. Bul bizdiń el bolyp uıysa biletinimizdiń aıqyn kórinisi», dedi mınıstr.
Jıynda Prezıdent Joldaýynda aıtylǵan basym baǵyttar talqylandy. О́z kezeginde uıym ókilderi vedomstvo basshysyna birqatar máseleni jetkizip, QHA músheleriniń elimizdegi beıbitshilik pen kelisimdi nyǵaıtýdaǵy róli, memlekettik reformalardy qoldaý baǵytynda atqarylýǵa tıis jumystar týraly pikirlerin aıtty.
Sondaı-aq Aqparat jáne qoǵamdyq damý mınıstri Darhan Qydyráli Almatyda zamanaýı medıa ókilderi men kreatıv jastarmen de júzdesti. «Túrli platformalarda shyǵarmashylyq áleýetin tanytyp júrgen jastar jan-jaqty máselelerdi ortaǵa saldy. О́te paıdaly kezdesý boldy dep oılaımyn», dep atap ótti mınıstr.
