Qordyń kómegi qomaqty

Insýlt ortalyǵyn qurý joǵary bilikti medısınalyq kó­mekti ýaqtyly kórsetýge múm­kindik beredi jáne mıdaǵy qan aınalymy júıesiniń aqa­ýy bar pasıentter úshin kór­setiletin qyzmetterdiń qol­je­timdiligin arttyrady. Bó­lingen qarajatqa dıag­nos­­tı­kalyq zertteýlerge ar­nal­­­ǵan qural-jabdyqtar satyp alynady, ǵımarattarǵa jóndeý jáne tehnıkalyq da­ıyn­dyq júrgiziledi. Ob­lys ortalyǵynan shalǵaı aýdan­dardyń 100 myńǵa jýyq tur­ǵyny jedel jár­dem­men qam­ty­lady.

«Biz Bolat О́temuratov qo­ryna Áýlıekól, Naýryzym jáne Qarasý aýdandarynyń turǵyndaryna qyzmet kór­se­te­tin ınsýlt orta­lyǵyn ashý jaıly ótinishimizge jyldam sheshim qabyldaǵany úshin alǵy­sy­myzdy bildiremiz. Zar­dap shekken otbasylarǵa ataý­ly kómek kórsetkeni úshin qorǵa óz atymnan alǵys aıtamyn», dedi Qostanaı obly­synyń ákimi Arhımed Muhambetov.

О́rtten zardap shekkender­ge materıaldyq járdem «Kó­mek kartasy» jobasy arqy­ly kór­setiledi. Bul – Bolat О́temuratov qory, Qazaqs­tan­nyń Qyzyl Jarty Aı uıymy jáne ForteBank-tiń birles­ken bastamasy. Tabıǵı jáne tehnogendik apattardan zardap shekken adamdarǵa ýaq­ty­ly qoldaý kórsetýdi kóz­deıtin joba 2018 jyldan bastap jumys isteıdi. 2022 jyly kórsetilgen kómektiń jalpy somasy 2 mlrd 500 mln teńgeden asady. Buǵan deıin 2022 jyly Aqtóbe, Batys Qazaqstan, Pav­lodar jáne Mańǵystaý ob­lys­taryndaǵy sý tasqynynan zar­dap shekken 6 200-den astam adamǵa járdem berildi.

Esterińizge sala keteıik, bu­ǵan deıin Bolat О́temuratov qory 25 medısınalyq mekemege túrli jobalar boıynsha kómek kórsetken. Olar úshin reanımobılder, ókpeni jasandy tynys­tandyrý apparattary, narkozdy-tynys alý apparattary, jańa týǵan ná­res­telerge arnalǵan kývezder jáne basqa da medı­sı­nalyq jabdyqtar satyp alyn­dy.