Foto: Erlan Omar
«Bul beıbitshilikti saqtaýǵa jáne órkenıet aralyq dıalogty nyǵaıtýǵa bárimizdiń múddeli ekenimizdi kórsetedi. О́zgeriske toly ári belsizdik beleń alǵan qazirgi zamanda búgingi basqosýdyń aıryqsha máni bar. BUU-nyń, basqa da halyqaralyq uıymdardyń basshylaryna, saıasatkerlerge jáne sarapshylarǵa rızashylyǵymdy bildiremin. Sezd ótkizý týraly bastamamyzǵa sizderdiń qoldaý kórsetkenderińiz elimiz úshin óte mańyzdy. Asa qadirli din basylar, qurmetti qaýym Álemdik jáne dástúrli dinder kóshbasshylar sezi búginde jahandyq deńgeıdegi órkenıetaralyq dıalog alańyna aınaldy. Bul forýmdy ótkizýge Qazaqstannyń bastamashylyq etýi beker emes. Sebebi qazaq jeri ǵasyrlar boıy Batys pen Shyǵystyń arasyndaǵy kópir bolyp keledi. Uly dala tórinde nebir alyp kóshpeli ımperııalar ómir súrgen. Dinı ustamdylyq olardyń bárine ortaq sıpat», dedi Qasym-Jomart Toqaev.
