Qazaqstan Respýblıkasy Úkimetiniń qaýlysy №465

2014 jylǵy 6 mamyr, Astana, Úkimet Úıi «Qosylǵan qun salyǵynyń asyp ketken somasyn qaıtarý qaǵıdalaryn bekitý týraly» Qazaqstan Respýblıkasy Úkimetiniń 2011 jylǵy 30 jeltoqsandaǵy №1707 qaýlysyna ózgerister men tolyqtyrý engizý týraly Qazaqstan Respýblıkasynyń Úkimeti qaýly etedi: 1. «Qosylǵan qun salyǵynyń asyp ketken somasyn qaıtarý qaǵıdalaryn bekitý týraly» Qazaqstan Respýblıkasy Úkimetiniń 2011 jylǵy 30 jeltoqsandaǵy №1707 qaýlysyna (Qazaqstan Respýblıkasynyń PÚAJ-y, 2012 j., №17, 271-qujat) mynadaı ózgerister men tolyqtyrý engizilsin: 1) kirispe mynadaı redaksııada jazylsyn: «Salyq jáne bıýdjetke tólenetin basqa da mindetti tólemder týraly» 2008 jylǵy 10 jeltoqsandaǵy Qazaqstan Respýblıkasy Kodeksiniń (Salyq kodeksi) 272-babyna sáıkes Qazaqstan Respýblıkasynyń Úkimeti qaýly etedi:»; 2) kórsetilgen qaýlymen bekitilgen Qosylǵan qun salyǵynyń asyp ketken somasyn qaıtarý qaǵıdalarynda: 1 jáne 2-tarmaqtar mynadaı redaksııada jazylsyn: «1. Osy Qosylǵan qun salyǵynyń asyp ketken somasyn qaıtarý qaǵıdalary (budan ári – Qaǵıdalar) «Salyq jáne bıýdjetke tólenetin basqa da mindetti tólemder týraly» 2008 jylǵy 10 jeltoqsandaǵy Qazaqstan Respýblıkasy Kodeksiniń (Salyq kodeksi) (budan ári – Salyq kodeksi) 272-babynyń 5-tarmaǵyna sáıkes ázirlengen jáne qosylǵan qun salyǵynyń (budan ári – QQS) asyp ketken somasyn qaıtarý tártibin belgileıdi. 2. QQS asyp ketken somasyn qaıtarý: 1) QQS asyp ketken somasyn qaıtarý týraly talaby kórsetilgen salyq kezeńi úshin QQS boıynsha deklarasııanyń (budan ári – QQS qaıtarý týraly talaby); 2) nóldik mólsherleme boıynsha salyq salynatyn aınalymdardy rastaý maqsaty úshin Salyq kodeksinde kózdelgen qújattardyń; 3) qaıtarýǵa usynylǵan QQS-tyń asyp ketken somasynyń durystyǵyn rastaıtyn salyqtyq tekserý aktisiniń ne Salyq kodeksiniń 635-babynyń 10-tarmaǵynda kózdelgen jaǵdaılarda, salyqtyq tekserý aktisine salyq organy qorytyndysynyń (budan ári – aktige qorytyndy) negizinde júrgiziledi. Osy tarmaqtyń 2), 3) tarmaqshalarynyń erejeleri QQS asyp ketken somasyn qaıtarýdyń ońaılatylǵan tártibin qoldanatyn salyq tóleýshilerge KQS asyp ketken somasyn qaıtarýdy júzege asyrý kezinde qoldanylmaıdy.»; 4 jáne 5-tarmaqtar mynadaı redaksııada jazylsyn: «4. Salyq organy QQS qaıtarý týraly talapty alǵannan keıin qaıtarýǵa usynylǵan QQS somalarynyń durystyǵyn rastaý boıynsha taqyryptyq salyqtyq tekserý taǵaıyndaıdy. 5. Qaıtarýǵa usynylgan QQS somalarynyń durystyǵyn rastaý boıynsha, sondaı-aq oǵan qatysty qaıtarýdyń ońaılatylǵan tártibi qoldanylǵan salyq tóleýshige bıýdjetten qaıtarylǵan QQS somalarynyń durystyǵyn rastaý boıynsha salyqtyq tekserýdi júrgizý kezinde salyq organy aqparattyq júıeni paıdalana otyryp, tekserilip jatqan salyq tóleýshi boıynsha jetkizýshiler men satyp alýshylar boıynsha taldamalyq esepti qalyptastyrady. Jetkizýshilerde jáne (nemese) satyp alýshylarda buzýshylyqtar anyqtalǵan kezde mindetti qarsy salyqtyq tekserý júrgiziledi nemese monıtorıngke jatatyn iri salyq tóleýshiler boıynsha salyqtyq baqylaýdy júzege asyratyn salyq qyzmeti organyna suraý salý jiberiledi. Eger qarsy tekserý júrgizý kezinde jetkizýshi taratylýyna baılanysty qyzmetin toqtatqan jáne mundaı jetkizýshige qatysty taratý salyqtyq tekserýi júrgizilgen jaǵdaıda, esepke jatqyzylǵan QQS somalaryn rastaý ótkizilgen taýarlar, oryndalǵan júmystar jáne kórsetilgen qyzmetter boıynsha shot-faktýralardyń tiziliminiń negizinde júrgiziledi. Eger qarsy tekserý júrgizý kezinde jetkizýshi taratylýyna baılanysty qyzmetin toqtatqan jáne mundaı jetkizýshige qatysty taratý salyqtyq tekserýi júrgizilmegen jaǵdaıda, onda osyndaı jetkizýshi jazyp bergen shot- faktýrada kórsetilgen QQS somasy bıýdjetten qaıtarylýǵa jatpaıdy. Bankrottyq sebebinen qyzmetin toqtatýyna baılanysty jetkizýshige qarsy tekserý júrgizý múmkin bolmaǵan jaǵdaıda, osyndaı jetkizýshi konkýrstyq is qozǵalǵanǵa deıingi kezeńde jazyp bergen shot-faktýralar boıynsha esepke jatqyzylǵan QQS somasyn rastaý ótkizilgen taýarlar, oryndalǵan jumystar jáne kórsetilgen qyzmetter boıynsha shot-faktýralar tiziliminiń negizinde júrgiziledi. Osyndaı jetkizýshi konkýrstyq is qozǵalǵannan keıingi kezeńde jazyp bergen shot-faktýralarda kórsetilgen QQS somasy bıýdjetten qaıtarylýǵa jatpaıdy. Eger salyqtyq tekserý bastalǵanǵa deıin salyq tóleýshide qaıtarýǵa usynylǵan KQS-nyń asyp ketken somasy joq ekeni anyqtalǵan jaǵdaıda, salyq organy on jumys kúni ishinde salyq tóleýshige QQS qaıtarý talabyn qaraýdan jazbasha bas tartý jiberedi. Osy tarmaqtyń erejeleri sondaı-aq oǵan qatysty qaıtarýdyń ońaılatylǵan tártibi qoldanylǵan salyq tóleýshige bıýdjetten qaıtarylǵan QQS somalarynyń durystyǵyn rastaý boıynsha tekserý júrgizý kezinde qoldanylady.»; 7, 12 jáne 13-tarmaqtar alynyp tastalsyn; 14-tarmaq mynadaı redaksııada jazylsyn: «14. QQS-nyń asyp ketken somasyn qaıtarýdy salyq organdary salyqtyq tekserý aktisimen (onyń ishinde jetkizýshilermen ózara esep aıyrysýdyń durystyǵyn rastaý úshin qarsy tekserý júrgizýge alynǵan, elektrondyq sıfrlyq qoltańbamen kýálandyrylǵan jaýaptar boıynsha, tekseriletin salyq tóleýshiniń jetkizýshisi qarsy tekserýler júrgizý kezinde anyqtalǵan buzýshylyqtardy joıý faktisi boıynsha, buryn jiberilgen suraý salýlar boıynsha salyq qyzmeti organynan alynǵan jaýaptar negizinde monıtorıngke jatatyn iri salyq tóleýshiler boıynsha rastalǵan QQS somasy boıynsha) ne aktige qorytyndymen rastalǵan, biraq QQS qaıtarý týraly talapta kórsetilgen QQS somasy sheginde júzege asyrady.»; mynadaı mazmundaǵy 26-tarmaqpen tolyqtyrylsyn: «26. Salyq kodeksiniń 274-baby 2-tarmaǵy 1) tarmaqshasynyń besinshi abzasyna sáıkes KQS asyp ketken somasyn, biraq QQS qaıtarý týraly talapta kórsetilgen QQS somasynan aspaıtyn somany salyq tóleýshige qaıtarǵan jaǵdaıda, eseptilik salyq kezeńiniń sońyna ósý jıyntyǵymen deklarasııa boıynsha qalyptasqan qalǵan QQS-nyń asyp ketken somasy, qaıtarýǵa usynylgan, sonyń ishinde ońaılatylǵan tártippen qaıtarylǵan QQS somalarynyń durystyǵyn rastaý jónindegi salyqtyq tekserýdiń nátıjesi boıynsha salyq zańnamasyna sáıkes qaıtarylýǵa jatady. Osyndaı tekserýdiń nátıjesi boıynsha qaıtarylýǵa jatatyn QQS asyp ketý somasy esepti salyq kezeńiniń aıaǵynda deklarasııa boıynsha ósý jıyntyǵymen qalyptasqan jáne tekserý nátıjesi boıynsha rastalmaǵan QQS somasynyń arasyndaǵy aıyrma retinde, biraq QQS qaıtarý týraly talapta kórsetilgen QQS somasynan asyrmaı aıqyndalady.». 2. Osy qaýly alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi. Qazaqstan Respýblıkasynyń Premer-Mınıstri K.MÁSIMOV.