Chelıabi «Traktorynyń» da jarys kestesindegi jaǵdaıy asa máz emes edi. О́z jankúıerleriniń kóz aldynda qalaıda upaı alýdy kózdegen Andreı Skabelkanyń shákirtteri bul joly muzaıdynda baryn saldy. Birinshi kezeńniń 6-mınýtynda Lınden Veı alǵashqy goldy salsa, 15-mınýtta Kırıll Savıskıı nysanany dál kózdedi. Eki retinde de olar Nıkıta Mıhaılısten ádemi pas aldy. Úziliske deıin qonaqtar esep aıyrmashylyǵyn qysqartyp úlgerdi. Bul goldyń avtory – Teemý Pýlkkınen. Odan keıin eki komandanyń oıynshylary uzaq ýaqyt boıy damylsyz shabýyldaǵanymen, tablodaǵy esep ózgergen joq. Tek básekeniń aıaqtalýyna bir mınýttaı ǵana ýaqyt qalǵanda taǵy da sol Veı mergendik tanytyp, matchtyń sońǵy núktesin qoıdy. Esep – 3:1.
Kelesi eki kezdesýin «Barys» 15 jáne 16 qyrkúıekte Ombynyń «Avangardymen» ótkizedi. Al 18 jáne 20 qyrkúıekte Novosıbırskiniń «Sıbır» klýbymen kúsh synasady. Atalǵan oıyndardyń barlyǵy da Nur-Sultanda ótedi.
