BÚGIN SOŃǴY QOŃYRAÝ

Gazet fototilshisi Orynbaı Balmurat keshe túsirgen myna sýrettegi  Astana qalasynyń № 54 mektep-lıseıiniń 11-synyp oqýshylary sekildi elimizdiń san myńdaǵan boıjetkenderi men bozbalalary úshin búgin eń shalǵaıdaǵy aýyldardan bastap úlken shaharlarǵa deıingi barlyq mektepterde sońǵy qońyraý soǵylady. MEKTEP BITIRÝShILER MEShITTE BOLDY “Nur Otan” HDP “Jas Otan” JQ “Jas urpaqtyń boıyna rýhanı pa­rasattylyq qundylyqtardy qalyp­tastyrý men damytýdyń” tujyrym­da­masy aıasynda kóptegen qoǵamǵa paıdasy mol is-sharalardy atqarý ústinde. Sonyń bir dáleli, kúni keshe ǵana oqý jylyn aıaqtaǵan elordalyq mektep bitirýshi túlekter “Jas Otan” JQ jáne “Nur Astana” ortalyq meshitiniń uıymdas­ty­rýymen “Nur Astana” meshitine kelip, ta­nymy men taǵylymy, tálimi men tár­bıesi mol rýhanı dáris tyńdap qaıtty. “Kezdesýdiń maqsaty – ómirdiń bir belesinen ekinshi belesine aıaq bas­qan tú­lekterge aldaǵy ómirlerine sát­ti­lik ti­lep, “Batamen el kógerer” de­gen ata­ly sózdi negizge ala otyryp, jas­tarǵa bata berip, aq jol tileý” – deıdi atal­mysh rýhanı is-sharany uıymdastyrýshylar. Elordanyń 15 mektebinen kelgen 400-ge jýyq mektep oqýshylary óz­de­rine rýhanı azyq bolatyn bul dá­risti uıyp tyńdady. “Nur Astana” or­talyq meshitiniń bas ımamy Q.Zań­qoev dáris barysynda oqýshylarǵa oı salatyn salmaqty sózder aıtty. Bas ımam óz sózinde: “Sizderdiń alda­ry­ńyz­da dál qazir bir-aq maqsat bar. Ol qa­laı da joǵarǵy oqý ornyna túsý. Iаǵ­nı, stýdent ataný. Ata-ana men us­taz­dyń úkili úmitin aqtaý. Laıym Ja­rat­qan haq jar bolyp, sol nıette­ri­ńizge jetkizsin! Elbasymyz: “Bizdiń bolasha­ǵymyz jastar” dep sizderge úl­ken senim artyp otyr. Senim ar­ty­lyp otyrǵan qandaı jastar? Árıne, bilimdi de bilikti jastar” – deı kele bilim alýdyń mańyzdylyǵyna toqtaldy. Al, “Jas Otan” JQ-nyń resmı ókili Nurlan Qulmanov óz sózinde adam­zat jolynda ımandylyqtyń erek­sheligin tilge tıek etse, “Nur As­tana” ortalyq meshitiniń naıb ımamy Tólebı Ospan “Baqyttyń bastaýy – ıman” atty taqyrypqa keńinen to­q­­ta­lyp, adam úshin baqyttyń ne eke­nin, shy­naıy baqytqa jetýdiń jol­da­ryn Qu­ran aıattarynan úzindiler keltire oty­ryp baıandady. Eń so­ńyn­da Bas ımam Q.Zańqoev quran oqyp, jas jetkin­shekterge aq jol tilep bata berdi. Osy júzdesýden keıin mektep tú­lekterine “Nur Astana” ortalyq me­shiti men “Jas Otan” JQ daıyndaǵan kitaptar, gazet-jýrnaldar, aýdıo dıskiler tegin taratyldy. Araı ÚIRENIShBEKQYZY.