Elimizde 1,8 mıllıon adam ótken jylǵy múlik salyǵyn áli tólemegen

Salyq zańnamasyna sáıkes aldaǵy salyq somalary boıynsha habarlamalar bıylǵy shilde aıynda menshik ıelerine jiberilgen bolatyn. 

Sonymen birge búgingi kúni shamamen 1,8 mln menshik ıesi (nemese 37,5%) «2021 jyl» kezeńine 7,1 mlrd teńge somasyna múlik salyǵyn tólemegen.

Osyǵan baılanysty Memlekettik kirister komıteti 2022 jyldyń 2 qazanynan bastap jeke tulǵalardyń salyq bereshegi týraly habarlamalardy boryshkerlerge jiberetinin eske salady.

1 aılyq eseptik kórsetkishten astam bereshek somalary boıynsha habarlama tabys etilgen soń, otyz jumys kúninen keıin bereshekti májbúrlep óndirip alý týraly salyq buıryǵy jiberiledi. Bul salyq buıryǵy 5 jumys kúni ótkennen keıin jeke sot oryndaýshylaryna májbúrlep óndirip alý úshin beriledi.

Bul rette, jeke sot oryndaýshylary bereshek somasynan basqa shottarǵa tyıym salý jáne shyǵýǵa shekteý qoıýdan týyndaǵan qolaısyzdyqtar týraly aıtpaǵanda, salyq bereshegi somasynyń 25%-na deıingi mólsherde qosymsha tólemdi óndirip alady.

Osylaısha, artyq shyǵyndar men problemalardy boldyrmaý úshin múlik salyǵyn ýaqytyly tóleýge keńes beremiz.

Salyqty «e-Salyq Azamat» jáne ekinshi deńgeıdegi bankterdiń mobıldi qosymshalary, «Elektrondyq úkimet» portaly arqyly, ekinshi deńgeıdegi bankterdiń bólimsherindegi nemese tólem termınaldaryndaǵy qolma-qol aqsha qarajatymen, sondaı-aq bankomattar men tólem termınaldaryndaǵy bank kartalary arqyly tóleýge bolady.