Esil ózeniniń jaǵalaýynda ornalasqan demalys orny Qazaqstandaǵy túrli konfessııalar men etnostar arasyndaǵy dostyq pen birliktiń sımvolyna aınalmaq.
Jobanyń basty ıdeıasy – «О́mir aǵashy» monýmenti. Kúmbez túrinde jasalǵan nysannyń dál ortasyna emen aǵashy otyrǵyzylǵan. Ol spıralmen jáne úılesimdi fontanmen qorshalǵan.
Ideıa avtorlarynyń pikirinshe, sý men san ǵasyrdan tamyr tartatyn ómir aǵashy Jer betindegi tirshiliktiń jalpyadamzattyq qundylyǵyn dáripteıdi. Osylaısha, jańa týyndy dini men senimine qaramastan planetamyzdaǵy barlyq adamdy kelisimge, beıbitshilikke jáne dostyqqa shaqyrady. Al, kúmbez bir aspan astyndaǵy beıbit ómirdi beıneleıdi. Onda álemniń tórt buryshy – Ońtústik, Soltústik, Batys jáne Shyǵysty bildiretin 4 kirý aımaǵy bolady.
Kúmbezdiń qabyrǵalarynda Álemniń jaratylýy men Qazaqstandaǵy tarıhı oqıǵalardy kórsetetin beıneler jáne elimizdiń aýmaǵynan tabylǵan áıgili ejelgi jartas sýretteri – petroglıfter salynady. Aǵashtyń aınalasyndaǵy spıral aspan (kúmbez) men jerdi (sý beti) biriktirip, álemniń náziktigin sýretteıdi.
Saıabaq qurylysy 2023 jyly aıaqtalyp, el ıgiligine beriledi dep josparlanyp otyr.
