Al bostandyqqa shyqqan ıtter osynda oınaq salady. Bul az degendeı, olarǵa qańǵybas ıtter qosylady. Aınalanyń bári ııý-qııý. Demalǵan qurly bolmaısyń! Eriksiz syrtqa shyǵasyń.
Bolmasa bir aýyq jasyl shóp ústin jalańaıaq basyp júrgiń keledi. Alaıda ol múmkin emes. Aıaq basqan saıyn ıttiń nájisi. Sondaı-aq aǵash saıasynda da damyldap otyra almaısyń. Qaı aǵashqa da ıt saryp ketken.
Park – qalanyń kórki. Jáne de ol bireýdiń jekemenshigi emes. Demek qala basshylyǵynyń osyndaı qundylyqqa nazar aýdarǵany jón-aq. Áıtpese mynadaı demalys ornynda ózge de ań-qus túrleri boı kórsete bastaýy kádik.
Bilýimshe, Ortalyq saıabaqta dál mundaı betimen ketýshilik joq. Ol jerde ıt jetektegenderge aıyppul salynady. Sondaı sharany Panfılovshylar parkinde de qoldaný kerek!
Taǵy bir sóz. Shyntýaıtyna kelgende, qazirgi kúni 28 panfılovshylardan qadir ketti. Sondyqtan park atyn Baýyrjan Momyshulynyń atyna beretin ýaqyt jetti. Bálkim, sol kezde parkti óz úılerindeı kórip, erkin kósilip júrgen ıtter de óz jónderin tabar.
Qudııar BILÁL,
jýrnalıst, qala turǵyny
ALMATY
