Din adamdarǵa tynyshtyq tabý úshin ǵana emes, ár sheshimin aqylǵa salyp qabyldaýyna áser etýi kerek. Jan jarasymyn tabý úshin ózge de ulttardyń mádenıetin túsinip, syılap, baqytty ómirge qushtar bolýy qajet. Búginde jeke bir ulttyń máselesin sheshýden góri álem halqynyń ortaq taǵdyryna alańdaýǵa basymdyq berilýde. Bul rette, saıasatkerler, din kóshbasshylary memleketter arasyndaǵy daý-damaıdy sheshý jolynda birigip, barynsha áreket etýge tıis. Osylaısha, adamdardyń baqytty taǵdyry qamtamasyz etilmek.
Bul sezdiń túrli din arasyndaǵy dıalogtiń ornaýyna, sonyń ishinde halyqaralyq qaýipsizdik pen áleýmettik úndestik máseleleri boıynsha pikir almasýǵa qosqan úlesi orasan. Dúnıe júzi áli de pandemııanyń zardabyn tartyp jatqan ýaqytta mundaı is-sharany uıymdastyrý el úkimeti tarapynan qajyrly eńbek pen kóp kúsh-jigerdi talap etedi. О́z basym ózge din ókilderimen birge oı bólisip, tamasha áser aldym. Biz birlese otyryp, adamzattyń beıbit jáne turaqty damýyna yqpal ete alatynymyzǵa senemin.
Lı GÝANFÝ,
Qytaı daosısteri qaýymdastyǵynyń tóraǵasy
