Eńbek áýletterine qurmet

Astanada «Samuryq Qazyna» AQ kompanııalar tobynyń uıymdastyrýshysy eńbek áýletteri kúnin merekeleý sharasy ótti. Atalǵan basqosýǵa «Samuryq Qazyna» UÁQ» AQ basqarma tóraǵasy О́mirzaq Shókeev qatysyp, eńbek áýletterin merekelerimen quttyqtady. Urpaqtar sabaqtastyǵy men áleýmettik turaqtylyqty qoǵamdyq yntalandyrý retinde eńbek áýletteri ınstıtýtyn ­jarııa etý men qoldaýdy maqsat etken ıgi sharaǵa elimizdiń birqatar óńirlerinen saladaǵy eńbek ótilderi ǵasyrlardy quraı­tyn atadan balaǵa mıras bolyp ketken áýlet músheleri qatysty. Olardyń qatarynda temirjol salasynda uzaq jyl­dyq ótili bar semeılik Musabaev­tar áýleti de bar. Áke men bala, sondaı-aq, nemereleri men shóberelerin qosqanda jalpy sany 23 adam búginderi osy temirjol salasynda qyzmet etýde. Al, petropavldyq poshtashy Dıýselekovter áýletiniń úsh býynyndaǵy 6 adam da osy salaǵa eńbek sińirýde. «Búgingi shara «Qazaqstannyń áleýmettik jańǵyrtylýy: Jalpyǵa Ortaq Eńbek Qoǵamyna qaraı 20 qadam» atty baǵdarlamalyq maqalalarda qoıylǵan mindetterdi iske asyrýǵa baǵyttalǵan. Osylaı eńbek áýletterin qoldaý men keler urpaqtyń eńbekke umtylysy men qurmetin joǵarylatý bolyp tabylady», deıdi sharany uıymdastyrýshylar. Mereke aıasynda eńbek áýlet­­teri ókilderine nagradalar men estelik syılyqtar tabys etildi. Sondaı-aq, «Araı» saıabaǵynda eńbek áýletteri alleıasyna aǵashtar otyrǵyzyldy. Ábdirahman QYDYRBEK, «Egemen Qazaqstan».