Astanada Qorǵanys mınıstrliginiń, Syrtqy ister mınıstrliginiń, UQK Shekara qyzmetiniń basshylyǵy Birlesken baqylaý tobynyń (BBT) 30 sessııasyna qatysýshy Qazaqstan, Qytaı, Qyrǵyzstan, Reseı jáne Tájikstan delegasııalarynyń basshylarymen kezdesti.
Sessııanyń kún tártibine Qazaqstan Respýblıkasy, Qyrǵyz Respýblıkasy, Reseı Federasııasy, Tájikstan Respýblıkasy, Qytaı Halyq Respýblıkasy arasyndaǵy 1996 jylǵy 26 sáýirdegi shekara aýdanynda áskerı saladaǵy senimdi nyǵaıtý týraly (Shanhaı kelisimi )jáne 1997 jylǵy 24 sáýirdegi shekara aýdanynda Qarýly Kúshterdi ózara tıimdi qysqartý týraly (Máskeý kelisimi) Kelisimderdi oryndaý máseleleri shyǵaryldy.
Sessııa barysynda 2013 jylǵy ınspeksııalyq qyzmettiń qorytyndysy shyǵarylyp, aǵymdaǵy jyly ózara tıimdi ınspeksııa júrgizý máseleleri anyqtalatyn bolady. Birlesken baqylaý toby 30 sessııasynyń jumys qorytyndysy boıynsha tıisti hattamaǵa qol qoıý josparlanýda.
BBT sessııasy 1999 jyldan beri turaqty negizde ótkizilip keledi. Ol Birlesken taraptar delegasııasy (Qazaqstan, Qyrǵyzstan, Reseı, Tájikstan) joǵary laýazymdy tulǵa syrtqy saıası qorǵanys vedomstvolary sarapshylary deńgeıindegi QHR delegasııalarynan turady.
BBT qyzmeti 15 jyl ishinde barlyq qatysýshy memleketter Shanhaı jáne Máskeý kelisimderiniń erejelerin sátti iske asyryp kele jatqanyn dáleldeıdi. Birlesken baqylaý toby sheńberinde turaqty negizde ınspeksııalyq jáne málimdeý qyzmetterin júrgizip, kezdesýler ótkizip turady.
BBT mehanızmi bes memlekettiń arasyndaǵy tatý kórshilik pen dostyqtyń damýynda, shekara aýdandarynda qaýipsizdik pen turaqtylyqty nyǵaıtýda mańyzdy oryn alady.
«Egemen-aqparat».