Aıqyndyq baǵytyndaǵy bastama

Prezıdent janyndaǵy Or­talyq kommýnıkasııalar qyz­me­tinde dástúrli brıfıng ótti. О́ń­deý­shi salalardyń aıqyndyǵy basta­masynyń «Qazaqstanda qol jet­kizilgen nátıjeleri men ony ári qaraı júzege asyrý jospary» taqyrybyna arnalǵan basqosýǵa Indýstrııa jáne jańa tehnologııalar vıse-mınıstri Nurlan Saýranbaev, О́ńdeýshi salalardyń aıqyndyǵy bastamasynyń (О́SAB) basqarma tóraǵasy Kler Shot jáne Parlament Májilisiniń de­­pý­ta­ty Aıgúl Soloveva q­atys­ty. О́ńdeýshi salalardyń aıqyn­dy­ǵy bastamasynyń negizgi maq­saty óńdeýshi sektordaǵy kompa­nııa­lar tabysynyń halyqqa qolje­timdiligin qamtamasyz etý bolyp tabylady. Elimiz 2005 jyl­dan bastap bul bastama boı­yn­sha mindettemelerdi alǵa qoı­dy. Osyǵan sáıkes, Ulttyq keńes qu­rylyp, arnaıy esepti­likti qalyp­tastyrýdy qolǵa aldy. Aqpa­rattar barlyq jerde jarııa­lanady. Máselen, kom­pa­nııa­lar­dyń ónim kólemimen odan túsken paıdany jumsaý tetikteri men joldary, kólemi kórsetilgen. Aza­mattarymyz elimizdegi kompa­nııa­lardyń tabys­tary jóninde osylaısha aqparatqa qol jetkize alady», dedi Indýstrııa jáne jańa teh­nologııalar vıse-mınıstri N.Saýranbaev. О́SAB Qazaqstanda júzege asy­rýdyń halyqaralyq, saıası jáne sybaılas jemqorlyqqa qarsy sıpattaǵy dárejesi bar, so­nymen qatar, ol kompanııalar men Úkimettiń óńdeıtin sek­tor­daǵy tabystarynyń halyqqa qol­jetimdi aıqyndyǵyna baǵyt­talǵan. 2013 jyldyń qazan aıynda О́SAB halyqaralyq basqarmasy Qazaqstan О́SAB barlyq talaptaryna sáıkes keledi dep joǵary baǵalap, О́SAB «ustanýshy eldiń» mártebesin berdi. О́SAB-ty 39 memleket engizse, onyń ishinde «ustanýshy el» degen eń joǵary mártebeni 27 memleket ıelengen. Olardyń qatarynda Qazaqstan, Qyrǵyzstan, Ázerbaıjan, Moń­ǵolııa, Pákistan, Albanııa, sondaı-aq, Afrıka qurylyǵynan Zambııa, Mozambık, Nıgerııa, Kamerýn, Gana, Kongo, Lıberııa syndy kóptegen memleketter men Latyn Amerıkasynyń Perý, Gvatemala elderi bar. Ulttyq keńes osyndaı joǵary mártebeni alý úshin bastamany Qazaqstanda engizgeli qyrýar jumystar atqarylǵan. Onyń ishinde Ulttyq keńestiń quramy ózgertilip, ony Premer-Mınıstrdiń orynbasary – Indýstrııa jáne jańa tehnologııalar mınıstri Áset Isekeshev basqarady. Sondaı-aq, О́SAB-ty júzege asyrý jónindegi jumys jospary jańartylsa, endi ol 2015 jylǵa deıingi sharalardy qamtıdy. О́tken jyldyń 9 qazanynda О́SAB boıynsha V ulttyq konferensııanyń barysynda barlyq taraptar qol qoıǵan ózara túsinistik týraly memorandým qabyldanǵan. Ábdirahman QYDYRBEK, «Egemen Qazaqstan».