9 qyrkúıek kúni tústi ýaqytta «Jezqazǵan – Petropavl» respýblıkalyq tas jolynyń 785 shaqyrymynda Shal Aqyn aýdany Sergeevka qalasyna jaqyn jerde Audi C4 kóligi men aýdannyń 24 jastaǵy turǵyny basqarǵan Shacman júk kóligi soqtyǵysqan.
Jol-kólik oqıǵasy saldarynan Audi júrgizýshisi men jolaýshysy, Tımırıazev aýdanynyń 54 jáne 40 jastaǵy turǵyndary jedel járdem kelgenshe qaıtys boldy.
Atalǵan fakti QR Qylmystyq kodeksiniń 345-babynyń 4-bóligi (Kólik quraldaryn basqaratyn adamdardyń jol júrisi nemese kólik quraldaryn paıdalaný qaǵıdalaryn buzýy) boıynsha sotqa deıingi tergep-tekserýlerdiń biryńǵaı tiziliminde tirkelgen.
Qajetti saraptamalar taǵaıyndaldy, olardyń nátıjesi boıynsha túpkilikti prosessýaldyq sheshim qabyldanatyn bolady.
