Qos qaıratkerge qurmet kórsetildi

Oblys ákimi Darhan Satybaldy aza­mattardyń eren eńbegin atap ótip, óńir halqy atynan alǵys aıtty. Aıta ketelik, Saýytbek Abdrahmanov Qazyǵurt aýdanynda ómirge kelgen. Jýrnalıstıka sala­syndaǵy Prezıdent syılyǵynyń laý­reaty, «Qazaqstannyń eńbek sińirgen qaı­ratkeri» qurmetti ataǵy bar. Birneshe orden, medaldarmen nagradtalǵan. Abaı atyn­da­ǵy Memlekettik syılyqtyń,  Ha­lyqaralyq «Alash» ádebı syılyǵynyń laýreaty. Fılologııa ǵylymdarynyń doktory, professor. Qazaqstan Jýrnalıstıka akademııasynyń akademıgi. Qazaq jáne orys tilderindegi kóptegen kitaptyń avtory, aýdarmashy. Al ádebıetshi, synshy, pýblısıst, fılologııa ǵylymdarynyń doktory, profes­sor, Halyqaralyq Sh.Aıtmatov akademııa­sy­nyń akademıgi Qulbek Ergóbek Otyrar aýdanyn­da dúnıege kelgen. «Parasat» orde­niniń ıegeri, Halyqaralyq «Alash» ádebı syılyǵy­nyń laýreaty.

Qos qaıratkerge shyǵarmashylyq tabys tilegen Darhan Satybaldy óńir turǵyn­dary ulysymyzdyń uıytqysy – Ońtústik óńirinen shyqqan tulǵalardy árdaıym maq­tan tutatynyn jetkizdi. «Sizder bilim-ǵylym, jýrnalıstıka jáne zertteý salalarynda úlken jetistikke qol jetkizdińizder. Elimizdiń órkendeýine, gúldenýine mol úles qostyńyzdar. Kásibı maman retinde ózderińizden keıingi býynnyń qalyptasýyna birińiz qalamger, saıası qaıratker retinde, endi birińiz ǵalym, kórnekti ádebıet synshysy retinde zor eńbek sińirdińizder», dedi oblys ákimi.