«Qazaqstan halqyna» qory qamqorlyǵyndaǵy tirek mektepter

17 tirek mektepti jab­dyq­taý­ǵa «Qazaqstan halqyna» qo­r­ynan 4,25 mlrd teńge bó­lin­gen. Elimizdiń 17 óńirinde NZM oqytý ádistemesi bo­ıynsha aýyldyq tirek mektepter jabdyqtalyp, olardyń árqaısysyn jaraqtandyrýǵa 250 mln teńgeden baǵyttalady. Jobany iske asyrý aýyl oqý­shy­laryna ózderi turatyn jerde sapaly bilim alýǵa, son­daı-aq bilim berý resýrstaryn sho­ǵyrlandyrýǵa múmkindik beredi.

12 qyrkúıekte osyndaı tirek mektepterdiń biriniń tu­saý­keserine «Qazaqstan hal­qyna» qoǵamdyq qorynyń bas­qarma tóraǵasy Bolat Jámi­shev, Beeline Kazakhstan bas atqarýshy dırektory Evgenıı Nastradın, «NZM» DBBU basqarma tó­ra­ǵa­sy Kúlásh Shám­shı­dı­no­va, Bilim berýdi tu­raqty damytý qorynyń qu­ryl­taıshysy, Aitas hol­dın­giniń basshysy Serik To­lyq­pa­ev, Aqmola oblysy áki­miniń orynbasary Eldos Ramazanov jáne BAQ ókilderi qatysty.

Mektepte 39 kabınet pen úı-jaı jańartylyp, jıhaz ben jabdyqtar jıyntyǵy, oqytýdyń tehnıkalyq qural­da­ry, qural-saımandar men ke­rek-jaraqtar, kórsetý qu­ral­dary, sándik-kórkem bu­ıym­dar, baspa quraldary satyp alyndy. Sonyń ishin­de beıneqabyrǵa men aq­pa­rat­tyq kıosk, art-stýdııa, onlaın sabaqtar men sheberlik sa­baq­ta­ryn jazýǵa arnalǵan telestýdııa, sheberhanalar bar. Qazir sabaqtar ınteraktıvti panelderdi, jańa qurylǵylar men demonstrasııalyq materıaldardy qoldana otyryp júrgizilýde. Sondaı-aq oqý ornynda mektep jasyna de­ıingi balalarǵa arnalǵan shaǵyn or­ta­lyq bar.

«16 qyrkúıekte «Qazaq­stan halqyna» qory ulttyq qaıy­rym­dy­lyqtyń I konfe­ren­­­sııasynyń qorytyn­dy otyrysyn ótkizedi. Osy konferensııa aıasynda 1 173 ÚEU ókilderiniń qatysýymen 43 zoom-konferensııa ótkizdik. Barlyq óńirde 20 dóńgelek ústel uıymdastyrylyp, oǵan 3 myń azamat qatysty. Qor baǵdarlamasynyń tujyrym­da­masyn, prospektisin jáne azamattyq qoǵamnyń usynys­ta­ryn talqyladyq. Dóńgelek ústelde aıtylǵan mańyzdy ba­ǵyttardyń biri – aýyl bi­li­min damytý. Aýyldyq bilim berýdi qoldaý qajet de­gende, eń aldymen, tirek mek­­tepterdi kóterý kerek. Bul týraly «Bilim týraly» za­­ńynda da aıtylǵan. Bul mektepter jaqyn mańdaǵy aýyl mektepteri úshin demeý bolýǵa tıis. Qazir halyq­tyń jartysyna jýyǵy aýyl­dyq jerde turady. Son­dyq­tan aýyl oqýshylary qala­daǵy qurdastary sekildi múm­kin­dik­terge ıe bolýy kerek», dep atap ótti B.Jámishev.

Mektepterdegi ózgeristerdi alǵashqylardyń biri bolyp oqýshylardyń ózderi baǵa­la­dy. Mektepte barlyǵy 365 bala bilim alyp, 45 muǵalim sa­baq beredi.

«Jazǵy demalystan oralyp, mektepke kelgenimizde tań­­ǵal­dyq. Barlyq jerge zamanaýı jıhaz, jańa quraldar qo­ıyl­ǵan. Árbir kabınet erekshe jasalǵan. Úzilis kezinde oıyn­darǵa arnalǵan jeke oryn­dar bar. Bizge bári unap otyr. Endi jaqsy oqýymyz ke­rek», dedi 6-synyp oqýshysy Tomırıs Kıizbaı.

Joba boıynsha operasııa­lyq shyǵyndardy «Qazaqstan halqyna» qorynyń seriktesi – Bilim berýdi turaqty da­my­­­tý qory óz moınyna al­dy. Bólingen 4,25 mlrd teń­­geniń 2 mlrd teńgesin Beeline Kazakhstan kompanııa­sy ji­bergen. Jobanyń bas serik­­testeriniń biri – «NZM» DBBU. Mektep barlyq qury­lym­dyq bólimshemen birge aýyldyq mektepke tegin ádis­te­melik qoldaý kórsetip, muǵa­lim­­derdiń biliktiligin arttyrady. Aıta ketý kerek, peda­gog­terdi oqytý jáne kabınet­ter­di jabdyqtaý kezinde NZM tájirıbesi men usynystary paıdalanyldy.

«Biz qajetti jabdyqtarmen qamtamasyz etip qana qoı­maı, eń mańyzdysy – tirek mek­tep­ter­di qurý jáne damy­tý jó­nindegi jobada ozyq bilim berý áleýeti bar NZM resýrs­taryn da paı­da­­la­namyz. Osylaısha, aýyl mek­tepterine úzdik peda­go­gı­kalyq tájirıbeler men ádis­temeler engiziledi», dep atap ótti «Qazaqstan halqy­na» qorynyń basshysy B.Jámishev.

NZM kómegimen qazan aıyn­­­­da mektepte oqý-tárbıe ju­­­mysynyń barlyq aspek­ti­sin ke­shendi zertteý bastalyp, oqý ornynyń qyzmetin jaq­sar­tý úshin taldaý toby qurylady.

Osy jyldyń sońy­na deıin seriktesterdiń qaty­sýymen qordyń «Aýyl­dyq jerlerdegi tirek mektep­ter­diń áleýetin damytý» qaıy­rym­dylyq jobasy aıasynda eli­mizdiń ózge óńirlerinde 16 aýyl­dyq tirek mektep jańǵyr­ty­lady.

Al 17 qyrkúıekte Qatar­kól­degi mektepte Ashyq esik kúni uıymdastyrylyp, ata-analar, qoǵam pen sarapshylar qaýymdastyǵynyń ókilderi, jaqyn mańdaǵy aýyldardyń us­tazdary men oqýshylary tirek mekteptiń áleýetimen ta­ny­sa alady.

Eske salsaq, «Qazaqstan hal­qyna» qoǵamdyq qory 16 qyr­kúıekte elordada Ulttyq qa­ıyrymdylyq boıynsha I kon­ferensııanyń qorytyndy oty­rysyn ótkizedi. Jıyn – ult­­tyq qaıyrymdylyqty da­­­­­­mytý máseleleri boıynsha mem­­­leket, bıznes jáne ÚEU arasyndaǵy dıalog alańy. «Qazaqstan halqyna» qorynyń nysanaly baǵyttaryn, otan­dyq qaıyrymdylyq sala­synyń ın­no­va­sııalyq ádis­terin, máse­leleri men prog­res­sıvti sheshim­de­rin tal­qylaý josparlanýda.