Memleket basshysy buǵan deıingi Joldaýyn saıası reformaǵa arnasa, osy sońǵy Joldaýynda eldiń áleýmettik-ekonomıkalyq damýyna erekshe nazar aýdardy.
Reformalardyń negizgi mazmuny – birinshi kezekte óskeleń urpaqtyń múddesi, adamı resýrstardy damytý, memlekettiń áleýmettik quramdy bóligin kúsheıtý taqyryptaryn qozǵady. Iаǵnı myqty ári belsendi jáne básekege qabiletti qoǵam qurý arqyly tabysty memleket qurý jolyn jalǵastyrý.
Joldaýda Prezıdent ádettegideı, qazaqstandyqtardyń eń ózekti saýaldaryna naqty jaýabyn berdi. Bul bastaý alǵan saıası ózgeristerdiń jalǵasy. Prezıdenttiń sózi men isi bir jerden shyǵatynynyń taǵy bir dáleli – osy. Memleket basshysynyń Prezıdent mandatyn qysqartý jáne uzaqtyǵy 7 jyldyq bir merzimmen shekteý jónindegi bastamasy qoldaý tapty. Munyń bári reformalar baǵytynyń dáıektiligin jáne onyń eldegi demokratııany nyǵaıtýǵa baǵyttalǵanyn kórsetedi.
Memleket basshysy Joldaýda halyqty tolǵandyratyn barlyq ózekti máseleni qamtydy. Bul sý resýrstarynyń jetispeýshiligi, jol jóndeý, aýyldaǵy medısınany damytý, ıgerilmegen jerlerdi qaıtarý jáne taǵy basqalar.
Shyny kerek, eń kútpegen jańalyq – balalardyń esepshotyna Ulttyq qordan aqsha aýdaryp otyrý sheshimi boldy. 18 jasqa deıin ár balanyń esepshotyna aqsha aýdarylyp, sodan keıin bala úlken ómirge qadam basqanda ol aqshany oqýǵa jáne úı alýǵa jumsaı alatyny aıtyldy. Mundaı tájirıbeni biz arab elderinen jáne basqa da damyǵan memleketterden kóretin edik. Qyzyǵyp qaraıtyn edik. Bul jańalyqtyń bizge kelgeni jastarymyzdyń úlken ómirge esh qıyndyqsyz qadam basyp ketýine septigin tıgizedi dep oılaımyn. Sebebi ár jas úshin úlken ómirge qadam basqanda jumysqa ornalasý, úı alý, úılený degen máseleler ózekti.
Jalpy, bıylǵy Joldaýda Memleket basshysy eldiń damýyna, rýhanı jáne ekonomıkalyq ósýimizge zııaly qaýym ókilderin belsendi bolýǵa shaqyrdy. Halyqtyq, eldik máselelerde aýyzbirshilik pen yntymaqtastyq tanytyp, el damýyna adal qyzmet etýde rýhanı kúsh berdi.
Endigi kezekte, bizdiń basty mindetimiz – jańa kezeńge aıaq basyp, elimizdiń senimdi qorǵaýshysy men qaýipsizdiginiń tiregi bolý .
Aıta ketý kerek, Ulttyq ulan áskerleri Ishki ister organdarynyń ajyramas kúsh qurylymy retinde únemi jeke azamatty, qoǵam men memleketti qylmystyq jáne basqa da zańǵa qaıshy áreketterden qorǵaýdy júzege asyrady. Zańǵa sáıkes azamattardyń jáne memlekettiń quqyqtary men bostandyqtarynyń kúzetinde turady. Joldaýda quqyq qorǵaý organdaryn reformalaý týraly aıtylǵan usynystardyń barlyǵyn biz Memleket basshysynyń aldymyzǵa qoıǵan tikeleı tapsyrmasy retinde qarastyramyz.
О́z kezeginde, Ulttyq ulan – quqyqtyq tártip áskeri bolǵandyqtan, eshqandaı arandatýshylyqqa, eshkimge qoǵamnyń turaqtylyǵy men qaýipsizdigine nuqsan keltirýge, memlekettiń tuǵyryn shaıqaýǵa jol bermeýi tıis.
Sondaqtan bizdiń «Batys» óńirlik qolbasshylyǵymyzdyń jaýyngerleri aldaǵy ýaqytta da óz qyzmetterin joǵary jaýyngerlik ázirlikpen, jaýyngerlik mindetterdi tabysty oryndaýmen, ózderiniń áskerı boryshyn abyroımen atqaratynyna nyq senemin.
Baqyt ALAZOV,
«Batys» óńirlik qolbasshysynyń tárbıe jáne áleýmettik-quqyqtyq jumystar jónindegi orynbasary,
polkovnık
Oral
