Hokkeı. Álem chempıonaty. Besinshi týr bastaldy

ASTANA. 16 mamyr. Mınskide ótip jatqan álem chempıonaty besinshi týrynyń qazirge deıin alǵashqy eki oıynynyń nátıjeleri belgili boldy. Bul týraly Chempıonat.Rý habarlady. Aldymen 15 mamyr kúni oınalǵan 4-týrdyń sońǵy oıyndaryna tqtala keteıik. Osy kúni Kanada Danııany talqandap shyqty – 6:1! Al Latvııa sensasııa jasaýyn odan ári jalǵastyrdy. Ol tartysty básekede AQSh quramasynan jeńisti tartyp áketti. Esep – 6:5! Shvesııa óz kezeginde Fransııany 2:1 etip áreń utty. Fınlıandııanyń Belarýsten basymdyǵy da tym kúshti bolǵan joq. Onda 2:0 degen esep tirkeldi. Al búgin 5-týrdyń oıyndary bastaldy. Ázirge eki matchtyń esepteri belgili. Sonyń ishinde Qazaqstan quramasy AQSh komandasynan over-taımda utyldy. Esep – 3:4. Al match bylaı órbidi. Aldymen qazaqstandyqtar birinshi kezeńniń 15-mınýtynda alǵa shyqty. Shaıbany Roman Starchenko túsirdi. Sálden keıin qarsylastar (Smıt) esepti teńestirdi. Ekinshi kezeńde bizdiń hokkeıshiler (Romanov) taǵy esepti ulǵaıtty. Arada 2 mınýt ótkende, AQSh komandasy (Djons) tarazy basyna qaıta qalpyna keltirdi. Biraq birazdan soń alǵa shyǵý kezegi amerıkalyqtarǵa ótip ketti (Donovan). Bizdiń jigitter úshinshi kezeńde Starchenkonyń golymen esepti qaıta teńestirdi. Alaıda, bárin over-taımdaǵy Djonstyń goly sheship ketti. Túnde Shvesııa – Slovakııa, Fınlıandııa – Shveısarııa arasynda kezdesýler ótedi. Qazir A tobynda Kanada 5 oıynnan 13 upaımen kósh bastap kele jatsa, V tobynda Reseı 4 oıynnan barlyq 12 upaıdy alyp, aldyna jan salmaı tur. Damır Qojamqul. Derekkóz: Chempıonat.Rý. Foto: Chempıonat.Rý.