Qujatta shekara syzyǵynan qosymsha kúshterdi shyǵarý qarastyrylǵan. Taraptar shekaralas aımaqtardaǵy turaqtylyqty qamtamasyz etý máselelerin, sondaı-aq atysty toqtatýdy talqylady.
Qyrǵyz Respýblıkasy Ulttyq qaýipsizdik komıtetiniń basshysy Kamchybek Tashıevtiń aıtýynsha, shekaradaǵy jaǵdaı turaqtalyp keledi, bul jumys jalǵasady.
Eske sala keteıik, Qyrǵyzstan men Tájikstan shekarasyndaǵy qaqtyǵys 16 qyrkúıek kúni tańerteń bastaldy. Taraptar bir-birine oq jaýdyrdy.
Keıin Qyrǵyzstannyń shekara qyzmeti eki eldiń arnaıy qyzmetiniń basshylary atysty toqtatý týraly kelisimge kelgenin habarlady. Alaıda birneshe saǵattan soń taraptar bir-birin atysty toqtatý kelisimin buzdy dep aıyptady.
«Ravod» keden beketinde tájik-qyrǵyz jumys toptarynyń kelissózderi ótti. Qyrǵyzstan men Tájikstan prezıdentteri Sadyr Japarov pen Emomalı Rahmon Samarqandta kelissózder júrgizdi. Taraptar shekaradan áskerı kúshterdi shyǵarý jáne oqıǵanyń sebepterin anyqtaý úshin komıssııa qurý týraly kelisimge keldi.
Qyrǵyzstan Syrtqy ister mınıstrliginiń málimetinshe, 18 qyrkúıektegi jaǵdaı boıynsha Qyrǵyz Respýblıkasynyń 46 azamaty qaza taýyp, 140-y jaralanǵan. Tájikstan tarapynan 41 azamat qaza tapty.
Qazaqstan Prezıdenti Q.Toqaev eki respýblıka basshylaryna kóńil aıtý jedelhatyn joldady.
