Investorlarǵa taý-ken metallýrgııa kesheni, aýyl sharýashylyǵy, munaı-gaz salasy, qurylys jáne t. b. salalardaǵy jalpy somasy $6,5 mlrd-tan astam jańadan 40 ınvestısııalyq jobalar tizimi usynyldy. Álıhan Smaıylov «Mubadala» tobynyń bas atqarýshy dırektory Mýsabbıh ál-Kaabımen kezdesti. «Mubadala» – baǵalaý aktıvteri $285 mlrd-ty quraıtyn jáne táýelsiz qorlardyń álemdik reıtıngisinde 13-shi orynǵa ıe memlekettik ınvestısııalyq-developerlik kompanııa.
«Energetıka, hımııa ónerkásibi, aýyl sharýashylyǵy, taý-ken metallýrgııa kesheni salalarynda áleýetimiz zor. Bul turǵyda álemdegi qazirgi jaǵdaıdy eskere otyryp, arnaıy ázirlengen jańa jobalardy iske asyrýǵa qatysýdy usynamyn», dedi Álıhan Smaıylov.
Sondaı-aq Premer-Mınıstr aýyl sharýashylyǵy, energetıka jáne bank sektorynda birlesken jobalardy iske qosý perspektıvalaryn atap ótti.
«Qazaqstan Úkimeti ınvestısııalyq ahýaldy ári qaraı jaqsartady. Álemdegi daǵdarystyq qubylystarǵa qaramastan, osy jyldyń I toqsanynyń qorytyndysy boıynsha elimizge tartylǵan tikeleı sheteldik ınvestısııalar aǵyny 54%-ǵa ósip, $6,8 mlrd-ty qurady», dep atap kórsetken Álıhan Smaıylov sheteldik seriktesterdi yntymaqtastyq úshin barlyq múmkindikterdi paıdalanýǵa shaqyrdy.
О́z kezeginde Mýsabbıh ál-Kaabı «Mubadala» kompanııasy Qazaqstanda ınvestısııalyq jobalardy iske qosý múmkindikterin jan-jaqty qarastyryp jatqanyn aıtty. Atap aıtqanda, jasyl energetıka, qarjy, taý-ken metallýrgııasy, munaı jáne gaz salalarynda yntymaqtastyqqa qyzyǵýshylyq tanytýda.
Sonymen qatar Premer-Mınıstr «ADQ» kompanııasynyń basqarýshy jáne bas atqarýshy dırektory Muhammed ál-Sýveıdımen kelissóz júrgizdi. «ADQ» – 90-nan astam kompanııaǵa tikeleı jáne janama ınvestısııalar quıǵan óńirdegi iri holdıng kompanııalardyń biri.
«Bul holdıngtiń qyzmet salasy óte aýqymdy, aýyl sharýashylyǵy, ónerkásip, logıstıka, densaýlyq saqtaý jáne t.b. salalardy qamtıdy. Olardyń barlyǵy biz úshin basym baǵyttar», dep atap ótti Á.Smaıylov.
О́z kezeginde Muhammed ál-Sýveıdı usynylǵan múmkindikter úshin qazaqstandyq delegasııaǵa alǵysyn bildirip, farmasevtıka salasyna, azyq-túlik taýarlaryn óndirýge, logıstıkalyq baǵyttardy damytýǵa jáne jańartylatyn energetıkaǵa erekshe qyzyǵýshylyq tanytatynyn atap ótti.
Sonymen qatar Álıhan Smaıylov «Ayana Holding» kompanııasynyń tóraǵasy Abdýlla ben Lahedjben kezdesti, onda qurylys salasyndaǵy jobalardy iske asyrý máseleleri talqylandy.
Ekijaqty kezdesýlerdiń qorytyndysy boıynsha Qazaqstan Premer-Mınıstriniń qatysýymen ekonomıkanyń túrli sektorlarynda jalpy somasy $900 mln bolatyn birqatar ekijaqty kommersııalyq qujatqa qol qoıyldy.
