Polıseı para ústinde ustaldy

«Dánikkennen qunyqqan jaman» deıdi. Buǵan kónbese, «Dánikken qarsaq quıryǵymen in qazady» dep taǵy aıtady. Aqyry bolmaǵan soń «Et sasysa tuz sebersiń, tuz sasysa ne sebersiń?!» dep qamkóńil tartady. Mine, sonyń naqty kórinisi. «Aqsaı» polısııa bóliminiń basshysy  Á.Qaınazar  para ústinde ustalǵanda taǵy bir aıqyndala tústi. Ol bir adamdy qylmystyq jaýapkershilikke tartpaý jáne «Aqsaı» polısııa bóliminiń óndirisindegi isti qysqartý úshin  5000 AQSh dollary kólemindegi para talap etedi. Aqyrynda 620 000 teńge para alǵany úshin aıyptalady. Atap aıtqanda, 2014 jylǵy 17 sáýirde Á.Qaınazar óziniń qyzmettik avtokóliginde 200 000 teńge kóleminde para alǵan. Ertesine para somasynyń bir bóligin, ıaǵnı 120 000 teńge alyp jatqany taǵy qujattalǵan. Al 22 sáýirde Á.Qaınazar óziniń qyzmettik avtokóliginde qalǵan para somasy – 300 000 teńge alyp, oqıǵa ornynan boı tasalap qashqan. Biraq qarjy polısııasy qyzmetkerleriniń ýaqtyly is-áreketi nátıjesinde ustal­­dy. Osylaısha, 24 sáýirde Qy­zylorda qalalyq soty Á.Qaı­nazardy qamaýǵa alýǵa sanksııa berdi. Búginde qylmystyq is tergelip jatyr. Erjan BAITILES, «Egemen Qazaqstan». QYZYLORDA.