«Jol-kólik apatynan Balqash qalasyndaǵy «Jezqazǵan medısınalyq ortalyǵy» JShS emhanasynyń 2 dárigeri qaza bolyp, 8 medısına qyzmetker zardap shekti. Dárigerler Balqash qalasyndaǵy «Qazaqmys» kompanııasynyń jumysshylaryn profılaktıkalyq qarap-tekserýden qaıtyp kele jatqan bolatyn. Olar mingen avtobýs MAZ markaly júk avtokóligimen soqtyǵysyp, jol apatyna ushyrady», dedi vedomstvodan.
Densaýlyq saqtaý mınıstrligi Qaraǵandy oblysy Aqtoǵaı aýdany Saryshaǵan aýylynyń janynda bolǵan qaıǵyly oqıǵaǵa baılanysty qaıǵyra kóńil aıtady.
«Mınıstrlik atynan qapııada kóz jumǵan Kenjehanova Vıktorııa Islıamqyzy men Qystaýbaeva Baqyt Rashıtqyzynyń jaqyndary men otbasyna qaıǵyra kóńil aıtamyz. Otolarıngolog Vıktorııa Kenjehanova men oftolmolog dáriger Baqyt Qystaýbaeva azamattardyń densaýlyǵyn qorǵaýǵa ondaǵan jyl ǵumyryn sarp etken naǵyz kásibı mamandar edi. Aımaqtyq densaýlyq saqtaý salasy orny tolmas aýyr qazaǵa dýshar boldy», delingen habarlamada.
