Jaýyngerlik daıarlyq boıynsha ekspress-testileý

«Otar» 40-shy áskerı bazasynda Qurlyq áskerleri bólim­sheleriniń arasynda jaýyngerlik daıarlyqty uıym­dastyrýdy jetildirýge baǵyttalǵan jarys ótip jatyr. Keshe bastalyp, 22 mamyrǵa deıin jalǵasatyn jaýyngerlik jarysqa 25 komanda qatysýda. Bul Aeroutqyr áskerleri jáne «Ońtústik», «Shyǵys», «Batys» óńirlik qolbasshylyqtary áskerleri atynan synǵa tústetin 600-den astam adam. Jyl saıyn ótkizilip turatyn shara barysynda oǵan qatysýshy áskerı qyzmetshilerge atys qarýynyń ár túrinen, jaıaý ásker jaýyngerlik mashınasynyń qarýy­nan, tank jáne artıllerııa qarý-jaraǵynan baqylaý atý jat­tyǵýlary boıynsha tapsyrmalardy oryndaýǵa týra keledi. Alys qashyqtyqqa atý jarysy boıynsha áskerı qyzmetshiler ózde­riniń atý qarýyn meńgerýdegi kásibı biliktilikterin dáleldeýi kerek. Jaýyngerlik jarystyń eks­press-testileý qorytyndysy boıynsha oǵan qatysýshylardyń kúshtik jáne tózimdilik jatty­ǵý­laryn oryndaý boıynsha dene daıyn­dyq deńgeıleri baǵalanatyn bolady. Jarystyń nátıjesin Qurlyq áskerleri bas qolbasshysynyń ja­ýyngerlik daıarlyq jónindegi orynbasary general-maıor Á.Ha­lyqov bastaǵan qazylar alqasy baǵalaıdy. «Egemen-aqparat».