QHL-diń alǵashqy segiz týrynan keıin «Shyǵys» konferensııasynda kósh bastap turǵan Ekaterınbýrg komandasy keshegi matchta «Barysqa» barmaq batyra almady. Kezdesýdiń birinshi kezeńi tolyqtaı aıdyn ıeleriniń ústemdigimen ótti. Matchtyń altynshy mınýtynda «Barys» hokkeıshileri san basymdyǵyn tıimdi paıdalanyp, alǵashqy shaıbasyn soqty. Djeremı Brakkodan pas alǵan Entonı Lýıs mergendigimen kózge tústi.
«Barystyń» ekinshi goly da jankúıerlerdi kóp kúttirgen joq. Birinshi kezeńniń aıaqtalýyna bir jarym mınýt qalǵanda Arkadıı Shestakov kezekti bir qarymta shabýyldy nátıjeli aıaqtady – 2:0. Úzilisten keıin qonaqtar belsendi oıyn kórsetkenimen, «Barys» qaqpasyna gol soǵa almady. Úshinshi kezeńde de tablo ózgerissiz qaldy. Osylaısha, «Barys» qatarynan ekinshi oıynda 2:0 esebimen jeńiske jetti.
Jerlesterimiz kelesi kezdesýin 24 qyrkúıek kúni Cherepoveste «Severstalmen» ótkizedi.
