Alǵashqy kezdesýde 5:3 esebimen basym túsken bizdiń jigitter araǵa bir kún salyp baýyrlas eldiń ókilderimen qaıta jolyqty. Bul joly da jergilikti «Halyq Arena» sport keshenine jınalǵan jankúıerler goldar shoýynyń kýási boldy. Asa tartysty ótken kezdesýde 11 gol soǵylyp, Rıkardo Kaka shákirtteri 6:5 nátıjesimen qarsylastaryn tize búktirdi.
Ekinshi matchta Qazaqstan quramasy sapynan Shyńǵys Esenamanov, Albert Aqbalyqov jáne Taınan qos goldan soǵyp, dýbldiń avtorlary atandy. Eki oıyndy da jeńispen aıaqtaǵan ulttyq qurama fýtzalshylary endi álem chempıonatynyń negizgi irikteý kezeńiniń oıyndaryna daıyndalady. Irikteý básekeleri 8 qazanda bastalady.
