Osyǵan baılanysty elordada «Qazposhta» AQ basqarma tóraǵasy Serik Saýdabaev pen Strategııa jáne qarjy jónindegi basqarýshy dırektory-basqarma múshesi Azamat Keskinbaev brıfıng ótkizdi. Jalaqyny kóbeıtip, eńbek jaǵdaıyn jaqsartýmen qatar, qyzmet kórsetý sharttary boıynsha kásibı mereke – Dúnıejúzilik poshta jáne Táýelsizdik kúnderine oraı syıaqy berilýi de talap etilgen-di.
«О́ndiristik personaldyń jalaqysyn arttyrý boıynsha sheshimder daıyndaldy. Talaptardy qaraý jóninde arnaıy jumys toby qurylyp, hattamany zerdeleýge kiristi. Komıssııa problemalardy sheshý jáne júıeli sharalardy daıyndaý maqsatynda jumysyn bastady. Jumysshy toptyń quramyna «Qazposhtanyń» eki basqarýshy dırektory, kásipodaq tóraǵasy men bastamashyl toptyń eki ókili kiredi. Atalǵan komıssııa búgin tańǵy saǵat 09:00-de jumysqa kiristi. Eki aptadan keıin jumys tobynyń jumysyn aıaqtaý qorytyndysy boıynsha fılıal qyzmetkerlerimen kezdesýdi josparlap otyrmyz», dedi «Qazposhta» AQ basshysy.
Sondaı-aq brıfıngte 2023 jyldyń 1 qańtarynan qyzmetkerlerdiń jalaqysyn ındeksteý josparlanǵandyǵy, bıyl 1 sáýirden bastap jumysy jolda júrgiziletin qyzmetkerlerdiń ótemaqy mólsheri 0,5-ten 1,0 AEK-ke deıin óskendigi, tolyq emes mólsherlememen jumys isteıtin poshtashylarǵa qoǵamdyq kólikte júrgeni úshin ótemaqy mólsheri 50%-ǵa ulǵaıtylǵandyǵy jáne jumyskerlerdiń shıpajaı-kýrortta emdelýine balalardyń saýyqtyrý lagerlerine joldama satyp alýyna qoljetimdi jaǵdaı jasalyp jatqandyǵy aıtyldy. «Qazposhta» ótemeli jumysqa kóshýge kóńili tolmaıtyn qyzmetkerlerge osylaısha qosymsha tabys tabýǵa bolatynyn aıtady.
– О́temeli qyzmet kórsetý shartymen (О́QKSh) jumys isteıtin qyzmetkerlerge byltyr «Bizdiń maman» jobasy iske qosyldy. Munda poshtashylar men kýrerler jasaǵan jumys kólemine qaraı aılyq alady. Osy jobamen jumys istegende mamandarda materıaldyq qyzyǵýshylyq paıda boldy. Mundaı tólem qaǵıdaty qyzmetkerlerdiń tabysyn arttyrýǵa jáne kórsetiletin qyzmetterdiń sapasyn jaqsartýǵa múmkindik beredi. «Kesimdi aqy tólenetin qyzmetkerler sany (jaıaý kýrerler) – 911 adam. Jobaǵa qatysýshylardyń keıbiri 250 myń teńgeden astam jalaqy ala bastady, – dedi spıker. 40 myń teńge kóleminde aqyny 0,3 mólsherlememen jumys isteıtin, ıaǵnı tolyq emes jumys kúnimen jumys isteıtin 4 poshtashy alsa, 0,3 mólsherleme boıynsha jumys ýaqyty aıyna 24 saǵatty quraıdy.
Brıfıng sońynda buǵan deıin keıbir áleýmettik jelilerde jarııalanǵan jalaqy mólsheri týraly aqparattyń shyndyqqa sáıkes kelmeıtindigi jáne qyzmetkerler talaby árqashan qaraýsyz qalmaıtyndyǵy aıtyldy.
