Reformalardy sátimen aıaqtaý qajet

Birinshiden, kezekten tys Prezıdent saılaýyn ótkizý týraly 1 qyrkúıekte habarlansa, Jarlyqqa bir aıdan keıin qol qoıyldy. Iаǵnı qoǵamdyq talqylaý men daıyndyq ju­mystaryna ýaqyt berildi.

Ekinshiden, Prezıdent al­daǵy parlamenttik saılaý týra­ly keminde alty aı buryn jarııalady. Saıası kúsh­terge ózderiniń saıası baǵ­dar­lamalaryn ázirleý jáne úgit-nasıhat jumystaryn júr­gizý úshin daıyndalýǵa ýaqyt bólindi.

Úshinshiden, aldaǵy saılaý – betpe-bet kelip turǵan ishki jáne syrtqy syn-qaterlerge berilgen jaýap. Bizge bastalǵan saıası jáne ekonomıkalyq reformalardy aıaqtaý kerek. Sondyqtan saıası ınstıtýttardyń jańarýy áleýmettik-ekonomıkalyq salany nyǵaıtýǵa múmkindik beredi.

Qazaqstanda saıası refor­malar qur sóz júzinde emes, naqty iske asyrylyp jat­qandyǵy eshbir kúmán keltirýge kelmeıtin shyndyqqa aınalyp keledi. Eń bastysy, bul kózqarastar men ıdeıalar qur aıtylǵan kúıinde qalyp qoı­maı, zań júzinde oryndalatyn ustanymdar men naqty memlekettik saıasatqa aınala bastady. Usynylyp otyrǵan naqty saıası reformalardyń kesheni táýelsiz Qazaqstannyń demokratııaly, ashyq jáne teńgermeli saıası júıesin qa­lyptastyryp, ony túbegeıli ornyqtyrýdyń ne­gizi bolmaq. Elimizdegi qolǵa alynyp jatqan batyl qadamdar elimizdegi qo­ǵamdyq-saıası qatynastardy azamattardyń ustanymda­ry men qundylyqtaryn ózger­tý negizinde ony jańasha qa­lyptastyrýǵa baǵyttalǵan. Munda memlekettik bıliktiń barlyq ınstıtýtyn reformalaý negizinde búkil memlekettiń jumys isteýiniń tıimdiligin kóterýdi maqsat etedi. Endeshe, atalǵan saıası reformalardy júıeli túrde, popýlızmge urynbaı, tereń jəne jan-jaqty oılastyra otyryp júrgizýge de erekshe mán berý kerek.

Azamattardyń kons­tıtý­sııalyq quqyqtaryn qorǵaý máselesi Konstıtýsııalyq sot qurý, Adam quqyqtary jónindegi ýəkilge konstıtýsııalyq kepil­dikter men ımmýnıtet berý arqyly óz sheshimin tappaq. Qoǵamdy dəıekti túrde demokratııalandyrý baǵytynda iske asyrylyp jatqan osy is-sharalar memlekettiń ornyqty əri basqarýǵa ıkemdi bolýyn qamtamasyz eteri anyq.

Bul – óte mańyzdy sát, óıt­keni ártúrli sebepke baı­lanysty aldaǵy kezeń­der ekonomıkalyq damý tur­ǵy­synan qıyn bolýy múmkin. Bizge ekonomıkalyq jáne áleýmettik qıyndyqtardy eń­sere alatyn myqty saıası júıe qajet.

Ásel ÁBEN,

Qazaqstan Respýblıkasy Prezıdenti janyndaǵy QSZI-diń Almaty qalasyndaǵy ókildik basshysy