Dálirek aıtsaq, 2019-2022 jyldary Prezıdenttiń saıası bastamalarynyń óte úlken paketi zańnamalyq deńgeıde iske asty. Endi qazir saılaý arqyly atalǵan reformalardy naqty oryndaý, ony bekitý kezeńi bastaldy.
Birinshi kezeńde biz konstıtýsııalyq reforma ótkizdik, referendýmda Ata Zań 30 paıyzǵa jańardy. Osyndaı úlken ózgeristerden keıin Prezıdent, Parlament jáne barlyq deńgeıdegi máslıhattardy saılaý mańyzdy. Osylaısha, Prezıdent jáne Parlament saılaýyn kezeń-kezeńimen ótkizý arqyly biz eń aldymen, elimizdiń saıası júıesin qaıta jańartamyz.
Kezekten tys Prezıdent saılaýy 20 qarashada ótetin boldy. Kelesi jyly Parlament saılaýy bolady. Qoǵam bolǵan soń túrli pikirdiń aıtylýy zańdylyq. Osy oraıda, «qazirgideı almaǵaıyp kezeńde kezekten tys saılaý ótkizýdiń qajeti qansha» degen pikirdi de aragidik estip qalamyz. Menińshe, úsh jylda atqarylǵan aýqymdy jumystar men júrgizilgen túrli reformalardan keıin saılaý ótkizip, eldiń aldaǵy baǵyt-baǵdaryn taǵy bir aıqyndap alatyn ýaqyt jetti. Sol sebepti el turǵyndary aldaǵy saıası sharaǵa bir adamdaı jumyla atsalysýy kerek.
О́z tarıhynda «birlik kerek» degen sózdi qazaqtan kóp aıtqan ult joq shyǵar. Dál osy sózdi qazir de aıtýǵa tıispiz. О́ıtkeni memleket úshin birlik bizge aýadaı qajet. Aldaǵy saılaý halyqty biriktirýge baǵyttalǵan. Búgingi álemde qalyptasqan jaǵdaıdy qaperge ala otyryp, azamattarymyz bolashaqtaǵy baǵytymyz ben naqty josparymyzdy anyq túsinýi qajet. Saılaý konstıtýsııalyq reformalardyń qorytyndylaryn bekitip qana qoımaıdy, sondaı-aq basqa salalardaǵy reformalardy jalǵastyryp, nyǵaıtý úshin qajetti ýaqyt pen senim mandatyn beredi. Al aldaǵy reformalar eń aldymen áleýmettik jáne ekonomıkalyq baǵytty qamtıtyny daýsyz.
Jastardyń ókili bolǵandyqtan, óz qatarlastarymdy aldaǵy saılaýda belsendi bolýǵa shaqyramyn.
Dáýren ǴAZIZ,
S.Toraıǵyrov ýnıversıteti, saıasattaný ǵylymdarynyń magıstranty
PAVLODAR
