Dárigerdiń ómiri úshin úsh kún kúresti biraq búgin ol qaıtys boldy. Aıdana Amantaıqyzy Imashevanyń artynda úsh balasy men kúıeýi qaldy.
«Qaraǵandy oblysynyń densaýlyq saqtaý basqarmasynyń ujymy «Jezqazǵan medısınalyq ortalyǵy» JShS medbıkesi Imasheva Aıdana Amantaıqyzynyń týǵan-týystary men jaqyndaryna qaıǵylaryna ortaqtasyp kóńil aıtady. Ol da áriptesteri sııaqty osydan birneshe kún buryn Aqtoǵaı aýdanynda jol apatynan zardap shekti. Dárigerler onyń ómiri úshin kúresti, biraq búgin, 22 qyrkúıekte ol kóz jumdy. Aıdana Amantaıqyzy ómiriniń kóp bóligin medbıke isine arnady. Onyń kásipqoılyǵy men akýsherlik sheberligi metallýrgııalyq kombınat jumysshylarynyń onnan astam perzentin dúnıege ákeldi. Artynda kúıeýi men úsh balasy qaldy. Aıdana Amantaıqyzy alǵys bildirgen emdelýshiler men medısına áriptesteriniń jadynda máńgi saqtalady», dep habarlady Qaraǵandy oblysynyń densaýlyq saqtaý basqarmasynan.
Budan buryn, jol-kólik apatynan Balqash qalasyndaǵy «Jezqazǵan medısınalyq ortalyǵy» JShS emhanasynyń 2 dárigeri qaza bolyp, 8 medısına qyzmetkeri zardap shekti. Dárigerler Balqash qalasyndaǵy «Qazaqmys» kompanııasynyń jumysshylaryn profılaktıkalyq qarap-tekserýden qaıtyp kele jatqan bolatyn. Olar mingen avtobýs MAZ markaly júk kóligimen soqtyǵysyp, jol apatyna ushyraǵanyn habarlaǵan edik.
