Jıynda atalǵan vedomstvonyń Indýstrııalyq damý komıteti tóraǵasynyń orynbasary Turar Jolmaǵambetov qymbat metaldar men tastardan jasalǵan buıymdardy ákelýge nemese áketýge baılanysty memlekettik baqylaý aktilerin berý tártibi jóninde baıandady.
Almaty – asyl tastar men zergerlik buıymdar tasymaldanatyn jáne ishki naryqqa ákelinetin elimizdegi basty ortalyq. Osyǵan oraı Indýstrııalyq damý komıteti bul taraptaǵy memlekettik baqylaýdy ońtústik megapolıstegi keden beketteri arqyly júzege asyrady.
О́z kezeginde kásipkerler memlekettik baqylaý prosesi kóp ýaqytty alatyndyǵyn aıtyp, bul máseleni sheshýdiń ońtaıly ári tıimdi jolyn qarastyrýdy usyndy.
Komıtet tóraǵasy orynbasarynyń aıtýynsha, fýnksııalardy bólý baǵaly metaldar men asyl tastardy óndirý, zergerlik buıymdarmen operasııalardy memlekettik retteýdiń tıimdiligin arttyrýǵa eleýli septigin tıgizbek. Sondaı-aq bul tarapta júıeli sheshimder qabyldaýǵa jáne týyndaǵan máselelerdi der kezinde oryndaýǵa yqpal etedi.
Basqosý barysynda zergerlik ónimder men asyl tastardy kedendik deklarasııalaýdy «Astana-1» aqparattyq júıesi arqyly elektrondyq formatqa kóshirý boıynsha atqarylyp jatqan jumystar da baıandaldy.
Búginde mınıstrlik «Qazaqtelekom» AQ-men birlesip qundy metaldardan jasalǵan buıymdardy sáıkestendirý quraldarymen tańbalaý boıynsha qanatqaqty jobany júzege asyrýda. Bul joba qazaqstandyq zergerlik bıznesti qorǵaýǵa baǵyttalǵan.
Jıyn sońynda kásipkerler zergerlik buıymdardy synamalaý, taldaý jáne tańbalaý baǵytyndaǵy jumystardy jetildirý boıynsha usynystaryn jetkizip, baǵaly metaldardyń zańsyz aınalymyna tosqaýyl qoıý sharalaryn kúsheıtý qajettigin aıtty. Mınıstrlik ókilderi isker top ókilderiniń usynystarynyń eskeriletinin jáne arnaıy saraptama júrgiziletinin málimdedi.
