Demokratııalyq sony úrdis

Biz demokratııalandyrý jolynda jańa qadamdar jasadyq, qaıta saılaný quqyǵynsyz bir rettik pre­zıdent­tik merzim engizdik. Prezı­dent­tik ókilettiktiń bir rettik merzimi Kons­­tıtýsııanyń jańa normalarynyń ózgermeıtindigin belgileý arqyly qamtamasyz etiledi.

Qasym-Jomart Toqaevtyń «Múm­kin­dikter teń­digi jáne barshaǵa ádi­let­tilik» degen úndeýleri tek uran emes, is-áre­kettiń baǵdary. Ozyq elderdiń damý negizinde áleýmettik ádilettilik jatyr. Bul barlyq adam úshin áleý­mettik ádilettilik pen teńdik bir­deı degendi ańǵartady. Da­my­ǵan memleketterdiń negizgi draı­ver­leri de osy qaǵıdattar. Damyǵan elderde demokratııalyq qoǵam da órkendep keledi. Osy paradıgmada Prezıdenttiń tásilderdi jańartý jáne halyqqa memleketti basqarýda tolyqqandy múmkindik berý qajettigi týraly baıandamasyn kórip otyrmyn. Muny aýyldyq, qoǵamdyq ke­ńes­ter, máslıhattar jáne Májilis deń­geıinde iske asyrýǵa bolady. Bul organdarda halyqtan shyqqan adamdar, elin qoldaıtyn, ultjandy azamattar bolýy tıis. Iаǵnı elimizdiń órkendeýine kúsh-jigerin aıamaıtyn adamdar jumyldyrylýy kerek. Ekonomıst retinde áleýmettik ınklıýzııa men ashyqtyq ál-aýqattyń ósýin qamtamasyz etetinin kórip otyrmyn.

Qazaqstan naǵyz demokratııalyq memlekettiń etalony ǵana emes, biz Ortalyq Azııa elderi úshin jańa trend qalyptastyryp jatyrmyz. Qaıta saılaýǵa tyıym salýdy en­gizý – úlken saıası jańalyq. Bul tek Qazaqstan úshin emes, búkil post­ke­ńes­tik aımaq úshin mańyzdy saıası ózgeris.

Qyrkúıektegi Joldaý Qazaqstan ekonomıkasy óz damýynda ótetin negizgi trendterdi belgilep berdi. Má­se­len, meni maman retinde shaǵyn bız­­nesti tekserýge moratorıı engi­zil­ge­ni qýantady. Sebebi bul shaǵyn bızneske salyqtyq jeńildik engizdi. Bul sharalar óte mańyzdy, óıtkeni pandemııa kezinde ShOB qatty zardap shekti. Salyqtyq jeńildikter, tekserýlerge moratorıı, granttar – munyń bári bıznesti damytý úshin jaqsy kómek. Shaǵyn bıznestiń ekonomıkalyq qana emes, áleýmettik te mańyzy bar. Ekonomıkanyń osy sektory bú­gin­de jeńildetilgen salyq salýdy, qar­jylandyrýdy qajet etedi. Bul týraly Memleket basshysy eldiń jańa eko­nomıkalyq saıasatyn jarııalaý ke­zin­de naqty aıtty.

Beknur QISYQOV,

Qazaqstandyq franchaızıng qaýymdastyǵynyń prezıdenti,

saıasattanýshy