Jerlesterimiz álem chempıonatynda Tokıo Olımpıadasynyń jeńimpazy AQSh pen 2018 jylǵy álem chempıony Serbııa, sondaı-aq Germanııa, Bolgarııa jáne Kanada quramalarymen birge «S» tobynda synǵa túsedi. Qazaqstandyq qyzdar jahandyq dodaǵa 2006 jyldan beri turaqty túrde qatysyp keledi. Ázirge eń úzdik nátıjesi – 15-oryn (2014 jyl).
Darko Dobreskov jattyqtyratyn Qazaqstannyń qyzdar quramasy alǵashqy oıynyn erteń AQSh voleıbolshylarymen ótkizedi. Ekinshi týrda Germanııamen (26 qyrkúıek), úshinshi týrda Kanadamen (29 qyrkúıek), tórtinshi týrda Serbııamen (30 qyrkúıek) kezdesse, sońǵy týrda Bolgarııa quramasymen (1 qazan) sheberlik baıqasady. Matchtar Nıderlandtyń Arnhem qalasyndaǵy «Gelredom» stadıonynda ótedi.
