Qazaqstan Respýblıkasy Úkimetiniń qaýlysy №310

2014 jylǵy 2 sáýir, Astana, Úkimet Úıi «Respýblıkalyq bıýdjettiń qarajaty esebinen júrgiziletin tuqymnyń, onyń ishinde otandyq aýyl sharýashylyǵy taýaryn óndirýshilerdiń sebýine arnalǵan tuqymnyń sorttyq jáne egistik sapasyn saraptaý erejesin bekitý týraly» Qazaqstan Respýblıkasy Úkimetiniń 2003 jylǵy 12 tamyzdaǵy №805 qaýlysyna ózgerister engizý týraly Qazaqstan Respýblıkasynyń Úkimeti qaýly etedi: 1. «Respýblıkalyq bıýdjettiń qarajaty esebinen júrgiziletin tuqymnyń, onyń ishinde otandyq aýyl sharýashylyǵy taýaryn óndirýshilerdiń sebýine arnalǵan tuqymnyń, sorttyq jáne egistik sapasyn saraptaý erejesin bekitý týraly» Qazaqstan Respýblıkasy Úkimetiniń 2003 jylǵy 12 tamyzdaǵy №805 qaýlysyna (Qazaqstan Respýblıkasynyń PÚAJ-y, 2003 j., №33, 327-qujat) mynadaı ózgerister engizilsin: taqyryby mynadaı redaksııada jazylsyn: «Tuqymnyń, onyń ishinde otandyq aýyl sharýashylyǵy taýaryn óndirýshilerdiń sebýine arnalǵan tuqymnyń sorttyq jáne egistik sapasyna saraptama júrgizý qaǵıdalaryn bekitý týraly»; kórsetilgen qaýlymen bekitilgen Respýblıkalyq bıýdjettiń qarajaty esebinen júrgiziletin tuqymnyń, onyń ishinde otandyq aýyl sharýashylyǵy taýaryn óndirýshilerdiń sebýine arnalǵan tuqymnyń sorttyq jáne egý sapasyn saraptaý erejesi osy qaýlyǵa qosymshaǵa sáıkes jańa redaksııada jazylsyn. 2. Osy qaýly 2014 jylǵy 1 qańtardan bastap qoldanysqa engiziledi jáne resmı jarııalanýǵa tıis. Qazaqstan Respýblıkasynyń Premer-Mınıstri S.AHMETOV. Qazaqstan Respýblıkasy Úkimetiniń 2014 jylǵy 2 sáýirdegi № 310 qaýlysyna qosymsha Qazaqstan Respýblıkasy Úkimetiniń 2003 jylǵy 12 tamyzdaǵy №805 qaýlysymen bekitilgen Tuqymnyń, onyń ishinde otandyq aýyl sharýashylyǵy taýaryn óndirýshilerdiń sebýine arnalǵan tuqymnyń sorttyq jáne egistik sapasyna saraptama júrgizý qaǵıdalary 1. Jalpy erejeler 1. Osy Tuqymnyń, onyń ishinde otandyq aýyl sharýashylyǵy taýaryn óndirýshilerdiń sebýine arnalǵan tuqymnyń sorttyq jáne egistik sapasyna saraptama júrgizý qaǵıdalary (budan ári – Qaǵıdalar) «Tuqym sharýashylyǵy týraly» 2003 jylǵy 8 aqpandaǵy №385 Qazaqstan Respýblıkasynyń Zańy 5-babynyń 10) tarmaqshasyna sáıkes ázirlendi jene «Tuqymdyq jáne otyrǵyzý materıalynyń sorttyq jáne sebý sapasyn aıqyndaý» respýblıkalyq bıýdjettik baǵdarlamasy sheńberinde tuqymnyń, onyń ishinde otandyq aýyl sharýashylyǵy taýaryn óndirýshilerdiń sebýine arnalǵan tuqymnyń sorttyq jáne egistik sapasyna saraptama júrgizý tártibin aıqyndaıdy. 2. Tuqymnyń sorttyq jáne egistik sapasyn saraptaý jónindegi kórsetiletin qyzmetti jetkizýshini tańdaý Qazaqstan Respýblıkasynyń taýarlardy, jumystardy jáne kórsetiletin qyzmetterdi memlekettik satyp alý týraly zańnamasyna sáıkes júrgiziledi. 3. Aýyl sharýashylyǵy daqyldary tuqymynyń sorttyq jáne egistik sapasyn tuqymdyq saraptaý (budan ári - saraptaý) otandyq aýyl sharýashylyǵy taýaryn óndirýshiler, birinshi, ekinshi jáne úshinshi reprodýksııaly biregeı jáne elıtalyq tuqym óndirýshiler, memlekettik sortsynaý ýchaskeleri men stansııalary, sondaı-aq memlekettik tuqym resýrstary úshin mindetti túrde júrgiziledi. 4. Tuqymdardy saraptaýdy tuqym sapasyn saraptaý jónindegi attestattalǵan zerthanalar júzege asyrady. 2. Tuqymnyń sapasyna saraptama júrgizý tártibi 5. Tuqymnyń sapasyn saraptaý qoldanystaǵy standarttarǵa (budan ári - standart) sáıkes óngishtigi jáne (nemese) ómirsheńdigi, ylǵaldylyǵy, 1000 dánniń salmaǵy, tazalyǵy, aýrýǵa shaldyǵýy, zııankestermen zalaldanýy (tolyq taldaý) kórsetkishteri ne kórsetilgen kórsetkishterdiń bireýi nemese birnesheýi (tolyq emes taldaý) boıynsha júrgiziledi. Maqta tuqymynyń sapasyn saraptaý mynadaı kórsetkishter boıynsha júrgiziledi: óngishtigi, ylǵaldylyǵy, jetilgendigi, mehanıkalyq zaqymdanýy, 1000 dánniń salmaǵy, aramshóp aralasýy, qambalyq zııankestermen zalaldanýy, qyzyp ketýi, talshyq qaldyǵy, túktený qaldyǵy. 6. Aýyl sharýashylyǵy taýaryn óndirýshilerdiń, memlekettik sort synaý ýchaskeleri men stansııalarynyń, sondaı-aq saqtaýynda memlekettik tuqym resýrstaryn saqtap otyrǵan astyq qabyldaý kásiporyndarynyń árqaısysy boıynsha aýyl sharýashylyǵy ósimdikteriniń túrleri boıynsha tuqymnyń sapasyna zertteý júrgizý sanyn jergilikti atqarýshy organdardyń aýdandyq (qalalyq) aýyl sharýashylyǵy bólimi (budan ári – bólim) basshysynyń buıryǵymen qurylǵan, keminde bes adamnan turatyn komıssııa aıqyndaıdy. Komıssııanyń quramyna bólimniń, jer resýrstaryn basqarý jónindegi organdardyń, qoǵamdyq uıymdardyń ókilderi kiredi. 7. Tuqymdy saraptaýdy júrgizý úshin bólim men tuqym sapasyn saraptaý jónindegi attestattalǵan zerthana arasynda Qazaqstan Respýblıkasy Aýyl sharýashshyǵy mınıstrligi (budan ári – Mınıstrlik) bekitken úlgide tuqymnyń sorttyq jáne egistik sapasyn aıqyndaý boıynsha kórsetiletin qyzmetter týraly eki danada shart jasalady. 8. Sapanyń normatıvtik-tehnıkalyq qujattamanyń talaptaryna sáıkestigin tekserý úshin quıýǵa, saqtaýǵa jáne sebýge daıyndalǵan partııalardan tuqym synamalary alynady. Tek sebý úshin ǵana arnalǵan tuqym partııalarynan synamalar alýdy tuqym óndirýshilerdiń ótinimi boıynsha tuqym sarapshylary jáne (nemese) tuqym sapasyn saraptaý jónindegi attestattalǵan zerthanalarda tıisti daıyndyqtan ótken tuqym óndirýshiler (olardyń ókilderi) júrgizedi. Satýǵa jatqyzylǵan tuqym partııalarynan synamalar alýdy tuqym óndirýshi ókildiń qatysýymen bólimniń tuqym sharýashylyǵy jónindegi memlekettik ınspektorlary júrgizedi. Tuqymnyń partııasy aýyl sharýashylyǵy ósimdikteriniń sorttyq egisterin synaýdan ótkizý aktisimen birge joldanady. Synamalardy irikteý standarttarǵa sáıkes júrgiziledi jáne Qazaqstan Respýblıkasy Úkimetiniń 2011 jylǵy 2 qarashadaǵy №1279 qaýlysymen bekitilgen Tuqym sapasyna saraptama jasaýdy júzege asyrý qaǵıdalaryna (budan ári – Tuqym sapasyna saraptama jasaýdy júzege asyrý qaǵıdalary) sáıkes aıqyndalǵan nysan boıynsha synamalardy irikteý aktisimen eki danada resimdeledi. Aktiniń bir danasy synama alynǵan otandyq aýyl sharýashylyǵy taýaryn óndirýshisine qaldyrylady, ekinshi danasy synamamen birge tuqym sapasyn saraptaý jónindegi attestattalǵan zerthanaǵa jiberiledi. 9. Tuqym sapasyn saraptaý jónindegi attestattalǵan zerthana synamalardy zerthanalyq taldaý nátıjeleri negizinde otandyq aýyl sharýashylyǵy taýaryn óndirýshige Tuqym sapasyna saraptama jasaýdy júzege asyrý qaǵıdalarynda belgilengen nysandar boıynsha tuqymnyń sapalylyǵy týraly kýálik nemese tuqymdy taldaý nátıjesin beredi. Tuqymnyń sapalylylyǵy týraly kýálik egistik sapasy osy Qaǵıdalardyń 5-tarmaǵynda kórsetilgen barlyq kórsetkishter boıynsha tekserilgen (tolyq taldaý) jáne standart talaptaryna saı keletin tuqym partııalaryna beriledi. Tuqymnyń sapasy týraly kýálikti óngishtiginiń ornyna tuqymnyń ómirsheńdigi normasyn eskere otyryp jınalǵan jyly sebýge paıdalanylatyn kúzdik daqyldardyń tuqymyna, egiske deıin on bes jáne odan az kún buryn ylǵaldylyǵy men zııankestermen zalaldanǵandyǵyn aıqyndamaı (satýǵa arnalǵan tuqymnan basqa) taldaý júrgiziletin tuqymǵa berýge ruqsat etiledi. Tuqymdy taldaý nátıjesi osy Qaǵıdalardyń 5-tarmaǵynda kórsetilgen kórsetkipggerdiń biri boıynsha standarttyń talaptaryna (tolyq taldaý kezinde) saı kelmeıtin tuqymǵa, sondaı-aq sapalyq kórsetkishteriniń barlyǵy boıynsha tekserilmegen tuqymdarǵa da (tolyq emes taldaý) beriledi. 10. Tuqym sapasyn saraptaý jónindegi attestattalǵan zerthana tuqymnyń sapasy týraly kýálikti nemese tuqymdy taldaý nátıjesin óngishtigi aıqyndalǵan kúnnen bastap kúntizbelik jeti kún ishinde beredi. Tuqymdarǵa júrgizilgen zertteý qorytyndysy boıynsha tuqymnyń sapasyn saraptaý jónindegi attestattalǵan zerthana tuqymdardyń sorttyq jáne egistik sapasyn anyqtaý úshin kórsetilgen qyzmet týraly aktilerin Mınıstrlik bekitken nysan boıynsha úsh danada jasaıdy, bir danasy tuqym sapasyn saraptaý jónindegi attestattalǵan zerthanada qalady, ekinshi dana otandyq aýyl sharýashylyǵy taýaryn óndirýshilerge, úshinshi dana bólimge beriledi. 11. Synamanyń taldaýdan qalǵan bóligi aýdanda osy daqyldyń egisi aıaqtalǵannan keıin (aýdandyq stateseptilikke sáıkes) bir aı ishinde tuqym sapasyn saraptaý jónindegi attestattalǵan zerthanada saqtalady. Kórsetilgen merzim ótkennen keıin nemese tuqym synamasyn qaıtalap taldaýǵa alǵan kezde synamanyń qalǵan bóligi otandyq aýyl sharýashylyǵy taýaryn óndirýshilerge qaıtarylyp beriledi. 12. Tuqymnyń sorttyq jáne egistik sapasyn aıqyndaý jónindegi qyzmetter kórsetý týraly akti negizinde bólim Mınıstrlik bekitken nysanda aýdan boıynsha kórsetilgen qyzmetterdi baǵalaý aktisin eki danada jasaıdy, ekinshi danasy jergilikti atqarýshy organnyń oblystyq aýyl sharýashylyǵy basqarmasyna (budan ári – basqarma) jiberiledi. Basqarma bólim usynǵan kórsetilgen qyzmetterdi baǵalaý aktilerin tekseredi, Mınıstrlik bekitken nysanda oblys boıynsha kórsetilgen qyzmetterdiń jıyntyq aktisin jasaıdy jáne ony bekitedi. Oblys boıynsha kórsetilgen qyzmetterdiń jıyntyq aktisiniń negizinde tuqymnyń sorttyq jáne egistik sapasyn aıqyndaý jónindegi kórsetilgen qyzmetter úshin belgilengen tártippen qarjylandyrý júrgiziledi. Toqsan saıyn, esepti toqsannan keıingi aıdyń 5-kúnine (tórtinshi toqsanda tıisti jyldyń 25 jeltoqsanynan keshiktirmeı) basqarma tikeleı jáne sońǵy nátıjelerdiń naqty jetistikterin kórsete otyryp, bıýdjettik baǵdarlamanyń oryndalýy týraly esepti, al qorytyndy esepti kelesi qarjy jylynyń 1 aqpanynan keshiktirmeı Mınıstrlikke usynady.